ការប្រកួតថ្មីៗកន្លងមក​ Barcelona ទទួលបានលទ្ធផលយ៉ាងល្អ ហើយសង្ឃឹមថា នឹងអាចធ្វើការសងសឹកទៅលើ Bayern Munich នៅពេលដែលពួកគេធ្វើដំណើរទៅកាន់ប្រទេសអាល្លឺម៉ង់ ដើម្បីប្រកួតជាមួយក្រុមយក្សនៅ Bundesliga ក្នុងការប្រកួតពានរង្វាន់ UEFA Champions League។

កាល​ពី​រដូវ​កាល​មុន Barcelona ត្រូវបាន​ Bayern Munich យកឈ្នះក្នុង​លទ្ធផលសរុប ៦-០ ហើយ​ពួកគេ​នឹង​រពឹង​ជៀស​វាង​លទ្ធផលបែបនោះមិនឱ្យកើតឡើង​ម្តង​ទៀត​។

Barcelona គឺជាក្រុមដែលលេងបានខ្លាំងជាងពីមុន​ ចូលមកដល់ក្នុងការប្រកួតនេះ ជាមួយនឹងជ័យជម្នះ៥ប្រកួតជាប់ៗគ្នា ហើយពួកគេនឹងត្រូវជួបជាមួយ Bayern ដែលកំពុងតែជួបបញ្ហាលំបាក ដែលបានប្រកួតស្មើ៣ប្រកួត ក្នុងចំណោម៥ការប្រកួតចុងក្រោយរបស់ពួកគេ។

Bayern ធ្វើ​បាន​ល្អ​បំផុត​នោះទេ ក្នុងការប្រកួតកន្លងមក ហើយ​ភាគ​ច្រើន​គឺ​ចំណុចខ្វះខាត​នៃតំបន់​ការពារ​។ នេះ​នឹង​មិន​មែនជាអ្វីដែលល្អ​សម្រាប់​ពួកគេដែល​ត្រូវ​ជួបក្រុម ដែល​មាន​ទម្រង់​លេង​ដ៏​អស្ចារ្យ​ Barcelona​ នោះទេ។ 

Bayern មិន​ដែលស្គាល់ការប្រកួត​ចាញ់​​ក្នុង​ផ្ទះ​នោះទេ សម្រាប់​ការ​ប្រកួតពានរង្វាន់ Champions League ៥​ប្រកួតចុង​ក្រោយ ហើយ​វា​នឹង​មិន​មែន​ជា​ការ​ប្រកួត​ដ៏​ងាយ​ស្រួល​សម្រាប់​ក្រុម​ទាំង​ពីរ​នោះ​ទេ។

ការព្យាករណ៍របស់យើង​ 
កីឡាករដ៏សំខាន់នៅក្នុងការប្រកួតនេះ គឺ Robert Lewandowski​  ដែលគាត់​មាន​ទម្រង់​លេង​យ៉ាង​ល្អ ដោយ​បាន​ចាក​ចេញ​ពី Bayern​ នៅចុង​រដូវ​កាល​មុន​។​ វា​នឹងមិន​​ចំណាយ​ពេល​យូរ​ដោះទេ ក្នុងការស្វែងរកគ្រាប់បាល់ ហើយ​គាត់​មានបំណង​លេងឱ្យអស់ពី​សមត្ថភាពពេលប្រកួត​ជាមួយនិង Bayern Munich។​ 

នៅក្នុងទម្រង់លេង នៃការស៊ុតបាល់បញ្ចូលទីដ៏ល្អរបស់ Robert Lewandowski យើងយល់ថា កីឡាកររូបនេះ នឹងស៊ុតបញ្ចូលទីក្នុងការប្រកួតនេះ ប៉ុន្តែតាមរយៈការប្រកួតកន្លងមករបស់ភាគីទាំងពីរ ជ័យជម្នះបានទៅលើ Barcelona ទំនងជានឹងកើតឡើងច្រើនជាង៕