លោក Conte ថា Son មិនមែនជាកីឡាករល្អទេ តែជាលំដាប់កីឡាករល្អតែម្ដង
លោក Antonio Conte អ្នកចាត់ការក្លឹប Tottenham Hotspur បាននិយាយនៅក្នុងថ្ងៃនេះថា ខ្សែប្រយុទ្ធ Son Heung-min មិនមែនជាកីឡាករល្អមួយរូបនោះទេ តែគេក៏ជាលំដាប់កំពូលកីឡាករមួយរូបតែម្ដង។
លោក Conte បាននិយាយថា៖” Son ពិតជាអស្ចារ្យណាស់ គេមានគុណភាពមែនទែន ពេលគេរត់ មានកម្លាំងខ្លាំង និងអត់ធន់ទៀតផង ។ គេមិនមែនជាកីឡាករល្អទេ តែជាលំដាប់កំពូលកីឡាករតែម្ដង។ ច្បាស់ណាស់ ខ្ញុំនឹងព្យាយាមជួយគេ ឲ្យកាន់តែល្អប្រសើរជាងមុនទៀត “។ ដូច្នេះហើយ ពួកយើងត្រូវការកីឡាករដូចគេ ដើម្បីជួយពង្រឹងក្រុមបន្តទៀត ។
គួរបញ្ជាក់ផងដែរថា លោក Conte បានលើកឡើងដូចខាងលើ ក្រោយខាងសារព័ត៌មាន 90min ចេញផ្សាយថា Son ជាកំពូលខ្សែប្រយុទ្ធស្លាបឆ្វេងមួយរូបនៅក្នុងឆ្នាំ២០២១ នេះ។
ហើយសម្រាប់រដូវកាលនេះ Son ចូលលេងបាន ២០ប្រកួតហើយឲ្យក្រុម Spurs ដោយរកបាន ៨គ្រាប់ផងដែរ ៕
ប្រភព៖ Fotmob
ព័ត៌មានទាក់ទង
Real Madrid កំពុងកំណត់គោលដៅខ្សែការពារកណ្តាលរបស់បារាំង កីឡាករ William Saliba
ព្យាករណ៍គូ Manchester United vs Fulham
