Brentford នឹងបើកទ្វារទទួលស្វាគមន៍ក្រុមភ្ញៀវ Manchester United មកកាន់កីឡដ្ឋាន Brentford Community Stadium សម្រាប់ការប្រកួតជុំទីពីរក្នុងក្របខ័ណ្ឌ English Premier​ League។

ក្រុមទាំងពីរកំពុងតែស្វែងរកការឈ្នះជាលើកដំបូងរបស់ខ្លួន ក្នុងរដូវកាលថ្មីនេះ​ ហើយក្នុងការប្រកួតដំបូងរបស់ United ពួកគេ​បញ្ចប់លទ្ធផលពិតជាគួរឱ្យភ្ញាក់ផ្អើលដោយការចាញ់ Brighton ២-១​។​ ចំណែកឯ​ Brentford ជាក្រុមមួយកំពុងតែមានទំនុកចិត្តខ្ពស់បន្ទាប់ពីការតាមស្មើ​ Leicester នៅពេលដែលពួកគេត្រូវបាននាំមុខ​ ២-០។

Brentford ប្រកួតចាញ់តែ១ប្រកួតគត់ ក្នុងចំណោម៦ប្រកួតចុងក្រោយរបស់ពួកគេ សម្រាប់គ្រប់ការប្រកួតទាំងអស់ ខណៈដែល Manchester United ប្រកួតចាញ់ការប្រកួតក្រៅដី៦លើកចុងក្រោយរបស់ពួកគេ នៅក្នុងក្របខណ្ឌ Premier​ League។ ក្រុមម្ចាស់ផ្ទះនឹងមានអារម្មណ៍ថា ពួកគេមានឱកាសទទួលជ័យជម្នះយ៉ាងពិតប្រាកដ ក្នុងការប្រកួតនេះ។

កីឡាករ​ Ivan Toney ដែលជាអ្នកស៊ុតបញ្ចូលទីក្នុងការប្រកួតចុងក្រោយរបស់​ Brentfords នឹងក្លាយជាកីឡាករដ៏សំខាន់ ខណៈដែលគាត់ក៏បានស៊ុតបញ្ចូលទី១គ្រាប់ នៅពេលប្រកួតទល់និង United កាលពីរដូវកាលមុនផងដែរ។

United នឹងរពឹងលើកីឡាករ​ Christian Eriksen ក្នុងការបញ្ចេញថ្វីជើងលើក្រុមចាស់របស់គាត់ ខណៈដែលគាត់មិនមានពេលវេលាល្អបំផុត ក្នុងអំឡុងពេលស្នាក់នៅរយៈពេលខ្លីរបស់គាត់ ជាមួយ​ Brentford ។ 

សម្រាប់ការព្យាករណ៍
Brentford រំពឹងយ៉ាងមុតមាំ ដើម្បីទទួល​បាន​ជ័យ​ជម្នះ​ជា​លើក​ដំបូង​​នៅក្នុង​ផ្ទះ។ ទម្រង់លេងក្រៅដីរបស់ Manchester United ក្នុងលីកគឺមិនល្អទាល់តែសោះ ដែលការប្រកួតចាញ់ក្រៅដីមានដល់ទៅ ៦ប្រកួត។ United កំពុងជួបការលំបាកក្នុងការរកគ្រាប់បាល់ ក្នុងការប្រកួតក្រៅដី ខណៈដែល Brentford មិនឱ្យគូប្រកួតស៊ុតបញ្ចូលទីបាន៣ប្រកួត ក្នុងការប្រកួតក្នុងផ្ទះ៥លើកចុងក្រោយរបស់ពួកគេ។ ដូច្នេះហើយយើងជឿជាក់ថា​ Brentford នឹងទទួលជ័យជម្នះ​ ឬស្មើក្នុងការប្រកួតនេះ៕