Thiago នឹងអវត្តមានសម្រាប់ការប្រកួតមួយចំនួនរបស់ Liverpool ដោយសាររបួសសរសៃពួរ
ខ្សែបម្រើរបស់ Liverpool កីឡាករ Thiago Alcantara នឹងត្រូវអវត្តមានពីការប្រកួត បន្ទាប់ពីរងរបួសសរសៃពួរក្នុងការប្រកួតដំបូងសម្រាប់រដូវកាលថ្មីរបស់ហង្សក្រហម។
កីឡាករសញ្ជាតិអេស្ប៉ាញរូបនេះ បានចូលលេងត្រឹមតែរយៈពេល៥១នាទីប៉ុណ្ណោះ សម្រាប់ការប្រកួតដែលបញ្ចប់ដោយលទ្ធផលស្មើ ២-២ កាលពីថ្ងៃសៅរ៍ជាមួយនឹងក្រុម Fulham មុនពេលត្រូវបានបង្ខំឱ្យប្តូរចេញ ហើយតាមរយ:ការស្កែនបានបញ្ជាក់ថា បញ្ហាមកពីរបួសសរសៃពួរ។
Thiago នឹងធ្វើការស្កេនជាលើកទីពីរនៅចុងសប្តាហ៍នេះ ដោយប្រភពពី Anfield បានប្រាប់មកកាន់សារព័ត៌មាន GOAL។ ពេលវេលាណាមួយនៃការត្រលប់មកវិញរបស់គាត់នឹងអាស្រ័យលើការសម្រាក និងព្យាបាលរបស់កីឡាករវ័យ៣១ឆ្នាំរូបនេះ។
ហើយខណៈពេលដែលមិនមានពេលវេលាច្បាស់លាស់សម្រាប់ការជាសះស្បើយរបស់គាត់ ប្រភពបាននិយាយថាវានឹងឈានដល់ទៅ "សប្តាហ៍" ប៉ុន្តែបានបញ្ជាក់ថា គាត់អាចត្រលប់មកវិញយ៉ាងឆាប់រហ័ស ប្រសិនបើការព្យាបាលធ្វើទៅបានល្អ។ គាត់ស្ទើរតែនឹងអវត្តមានពេញខែសីហាដែលខកខានការប្រកួតជាមួយ Crystal Palace, ManchesterUnited, Bournemouth និង Newcastle ក្នុងអំឡុងពេលព្យាបាននេះ៕
ព័ត៌មានទាក់ទង
លោក Ten Hag ទៅមើលបាល់នៅលីគហូឡង់លើកដំបូង ចាប់តាំងពីបាត់បង់ការងារនៅ Man Utd
Haaland, Mbappe, Salah ល្បីសាហាវតែមើលប្រាក់ខែចាញ់ម្នាក់នេះទៅវិញ
