West Ham និង Manchester City នឹងបើកការប្រកួតដំបូងនៃយុទ្ធនាការ Premier League ថ្មីនៅកីឡដ្ឋាន London ក្នុងទីក្រុងឡុងដ៍ខាងកើត។​ 

West Ham មានការប្រកួតមិនសូវជាច្រើនទេ សម្រាប់ការប្រកួតមុនបើករដូវកាល ដោយលេងសរុបចំនួន៧ប្រកួត ប៉ុន្តែលទ្ធផលបានត្រឹមតែឈ្នះ២ប្រកួត​ ស្មើ៤ប្រកួត​ និងចាញ់១ប្រកួត ទល់នឹងក្រុមប្រឆាំងដែលមានកម្រិតទាប។

បច្ចុប្បន្ននេះ ពួកគេត្រូវប្រកួតជាមួយនិងក្រុមម្ចាស់ពាន Premier League ក្លឹប​ Manchester City ដោយសង្ឃឹមថា នឹងអាចទទួលបានជ័យជម្នះរបស់ពួកគេ សម្រាប់ការចាប់ផ្តើមនេះ។  

Manchester City មានការប្រកួតមុនបើករដូវកាលមានកំណត់ ដោយការប្រកួតមិត្តភាពតែពីរប្រកួតប៉ុណ្ណោះ មុនពេលប្រកួតពានរង្វាន់ Community Shield ជាមួយ Liverpool​ ។

ជាមួយនឹងកីឡាករចំនូលថ្មីមួយចំនួន នៅក្នុងក្រុម លោក Guardiola សង្ឃឹមថា កីឡាករទាំងអស់នឹងអាចសម្របខ្លួន​ និងលេងបានយ៉ាងល្អក្នុងទីលាន។ Manchester City នឹង​សម្លឹង​រក​ជ័យជម្នះ​មួយ ​បន្ទាប់​ពី​ប្រកួតចាញ់ក្នុង​លទ្ធផល៣-១​ ក្នុង​​ពាន​រង្វាន់​លើក​ដំបូង​របស់​ក្លឹប​ សម្រាប់រដូវ​កាល​ថ្មីនេះ។ 

West Ham ក៏បាននាំយក​កីឡាករវ័យក្មេងដ៏មានទេពកោសល្យពីប្រទេសអ៊ីតាលី​ ជាមួយនឹងការមកដល់របស់ខ្សែប្រយុទ្ធវ័យ២៣ឆ្នាំ Gianluca Scamacca ពីក្លឹប​ Sassuolo ក្នុងតម្លៃ៣៥.៥លានផោន។

អ្វីគ្រប់យ៉ាងនឹងឋិតទៅលើកីឡាករ Erling Haaland របស់ Manchester City ដែលមានតម្លៃ៥១លានផោន ខណៈដែលមនុស្សជាច្រើនរំពឹងថាកីឡាករន័រវេសដ៏មានឥទ្ធិពលរូបនេះនឹងឈ្នះស្បែកជើងមាសនៅក្នុងរដូវកាលនេះ។

សម្រាប់ការព្យាករណ៍
West Ham បានលេងយ៉ាងប្រកៀកប្រកិតជាមួយនិង Man City ដោយក្នុងការជួបគ្នាថ្មីៗ របស់ពួកគេលទ្ធផលស្មើគ្នាមាន៣ដង ក្នុងការជួបគ្នា៥លើកចុងក្រោយ និងរក្សាការប្រកួតនីមួយៗ ឱ្យស្ថិតក្នុងរង្វង់យ៉ាងហោចណាស់ក៏រកបានមួយគ្រាប់ដែរ។ City ទំនង​ជាមានការលំបាកបន្តិច ដើម្បីទទួលបានជ័យជម្នះ​ ​ប៉ុន្តែលទ្ធផល​យកឈ្នះលើ West Ham ២-១ គួរ​តែ​​ជា​លទ្ធផលសម្រាប់ការប្រកួតនេះ៕