កីឡាករជម្រើសជាតិអង់គ្លេសហាក់ដូចជារីករាយនឹងការប្រកួតដែលមិនអាចបំភ្លេចបាននៅក្នុងរដ្ឋធានីអ៊ីតាលី ហើយរូបគាត់ដូចជាមិនមានបំណងធ្វើការផ្លាស់ប្តូរអ្វីផ្សេងទៀតឡើយ។

កីឡាករ​ Tammy Abraham មិនប្រញាប់ប្រញាល់ត្រលប់ទៅកាន់​ Premier League វិញនោះទេ បើនិយាយអំពីការចំណាប់អារម្មណ៍ពី Manchester United និង Arsenal ខណៈពេលដែលខ្សែប្រយុទ្ធរបសល Roma ក៏មិនយកចិត្តទុកដាក់ចំពោះលក្ខខណ្ឌទិញត្រលប់មកវិញរបស់ Chelsea ដែលអាចនឹងធ្វើឡើងនៅឆ្នាំ២០២៣។

សម្រាប់បច្ចុប្បន្ននេះ កីឡាករអន្តរជាតិអង់គ្លេសកំពុងផ្តោតលើការបង្កើតបានពានរង្វាន់ធំដំបូង ប្រកបដោយភាពជោគជ័យនៅក្នុងប្រទេសអ៊ីតាលី។ 

កីឡាករវ័យ២៤ឆ្នាំរូបនេះ រកបាន២៧គ្រាប់កាលពីរដូវកាលមុន បន្ទាប់ពីការផ្ទេរទៅអ៊ីតាលីក្នុងតម្លៃ៤០លានអឺរ៉ូ (៣៤លានផោន/៤១លានដុល្លារ) ជាមួយនឹងពានរង្វាន់ Europa Conference League ក្រោមការដឹកនាំរបស់លោក Jose Mourinho ជាមួយនឹងភាពទាក់ទាញអមជាមួយការកោតសរសើរពីប្រទេសកំណើតរបស់គាត់៕