តាមរយៈសារព័ត៌មានបានឱ្យដឹងថា​ Leicester ត្រៀមខ្លួនរួចជាស្រេចក្នុងការលក់កីឡាករសញ្ជាតិបែលហ្ស៊ិក ដែលនៅសល់កុងត្រាត្រឹមតែមួយឆ្នាំប៉ុណ្ណោះ។

ប្រធានក្លឹប Leicester City លោក Aiyawatt Srivaddhanaprabha បាននិយាយអំពីអនាគតរបស់កីឡាករ​ Youri Tielemans ខណៈដែលខ្សែបម្រើរូបនេះ កំពុងតែមានទំនាក់ទនងជាមួយនឹងការផ្ទេរទៅកាន់ Arsenal ។

ការឈានចូលដល់ឆ្នាំចុងក្រោយនៃកិច្ចសន្យារបស់កីឡាករវ័យ២៥ឆ្នាំ ក្នុងកីឡដ្ឋាន King Power​ ស្របពេលមានការលេចឮពីព័ត៌មានថា ក្លឹបនឹងធ្វើការលក់កីឡាកររូបនេះ ដើម្បីជៀសវាងការបាត់បង់គាត់ដោយគ្មានតម្លៃនៅឆ្នាំ២០២៣។

Arsenal បានកំណត់កីឡាករ Tielemans ជាគោលដៅក្នុងការពង្រឹងខ្សែបម្រើរបស់ពួកគេ ប៉ុន្តែថ្មីៗនេះ ក្លឹបភាគខាងជើងទីក្រុងឡុងដ៍ ក៏មានចំណាប់អារម្មណ៍ ក្នុងការតាមប្រមាញ់កីឡាករសញ្ជាតិបែលហ្ស៊ិករូបនេះផងដែរ។​ 
បច្ចុប្បន្ននេះលោក​ Srivaddhanaprabha បានផ្លាស់ប្តូរមកកាន់ភាពស្ងៀមស្ងាត់វិញ​ ដោយបាននិយាយថា Leicester មិនទាន់ទទួលបានការដេញថ្លៃណាមួយមកលើកីឡាកររូបនេះនោះទេ៕