ខ្សែ​បម្រើ​ស្លាបសញ្ជាតិ​ប្រេស៊ីល​ដែល​ជា​គោល​ដៅ​របស់Chelsea និង Arsenal បច្ចុប្បន្ននេះកំពុង​ត្រូវបានពិនិត្យ​សុខភាព​នៅឯ​ Camp Nou។ 

Barcelona និង Leeds បាន​បញ្ជាក់​ថា​មាន​កិច្ច​ព្រម​ព្រៀង​មួយ​សម្រាប់កីឡាករ Raphinha ក្នុង​ការ​ផ្ទេរ​ទៅ​កាន់ទឹកដីប្រទេស​អេស្ប៉ាញ​ ដែល​មាន​តម្លៃ​រហូត​ដល់​ទៅ៦៥លាន​អឺរ៉ូ (៥៥លានផោន)។

ខ្សែ​បម្រើ​ស្លាប​សញ្ជាតិប្រេស៊ីលបច្ចុប្បន្នត្រូវបានកំពុង​ទទួល​បាន​ការ​ពិនិត្យ​សុខភាព និង​ចុះ​ហត្ថលេខា​លើ​កិច្ច​សន្យាជាមួយ ​Barcelona ដែល​នឹង​បន្ត​រហូត​ដល់​ឆ្នាំ២០២៧។

កីឡាករ​Raphinha ក៏ធ្លាប់ត្រូវបាន Chelsea និង Arsenal ចាប់អារម្មណ៍ផងដែរ ប៉ុន្តែទីបំផុតបានសម្រេចចិត្តចាកចេញពី Premier League បន្ទាប់ពីចំណាយពេលពីរឆ្នាំនៅប្រទេសអង់គ្លេស៕