វានៅតែមិនទាន់ច្បាស់នៅឡើយថា តើ Sterling នឹងក្លាយជាកីឡាករ Manchester City នៅរដូវកាលក្រោយដែរឬអត់។

គ្រូបង្វឹករបស់ Manchester City លោក Pep Guardiola បានកំណត់អត្តសញ្ញាណកីឡាករពីរនាក់ ដែលអាចនឹងជំនួសតំណែង​ Raheem Sterling ប្រសិនបើកីឡាកររូបនេះសម្រេចចិត្តថា នឹងចាកចេញនៅរដូវក្តៅនេះ។

កីឡាករវ័យ២៧ឆ្នាំរូបនេះ បានដើរតួយ៉ាងសំខាន់ក្នុងភាពជោគជ័យរបស់ Man City ចាប់តាំងពីប្តូរមកពី Liverpool ហើយបានជួយឱ្យក្លឹបឈ្នះពានរង្វាន់ Premier League ចំនួន៤លើក, League Cup ចំនួន៥លើក​ និង FA Cup ក្នុងអំឡុងពេលដែលគាត់នៅ Manchester។ ទោះជាយ៉ាងណាក៏ដោយ ប្រសិនបើគាត់ជ្រើសរើសចាកចេញពី Etihad លោក Guardiola បានដាក់ឈ្មោះកីឡាករពីរនាក់រួចហើយ ដែលអាចនឹងជំនួសតំណែង Sterling នៅពេលដែលគាត់ចាកចេញ។

ហេតុផលតែមួយគត់​ ហេតុអ្វីបានជា Sterling លេងបានតិចនោះ គឺដោយសារតែពេលខ្លះមានកីឡាករ Gabriel Jesus​ ហើយជាពិសេសនោះ គឺ Phil Foden ឬ Riyad Mahrez ដែលពួកគេកំពុងស្ថិតក្នុងកម្រិតកំពូល​ ដោយពួកគេបានស៊ុតបញ្ចូលទី​ ដែលត្រូវបានសំរេចជាប់ជាជម្រើសទាំងបីចុងក្រោយ៕