Amnesty International (AI) ដែលជាអង្គការផ្តោតលើសិទ្ធិពលករចំណាកស្រុក បានអំពាវនាវឱ្យ FIFA ដាក់កញ្ចប់សំណងចំនួន៤៤០លានដុល្លារ (៣៥៥ លានផោន) មួយឡែកសម្រាប់ពលករចំណាកស្រុក ដែលបានចូលរួមជាមួយគម្រោងសំរាប់ព្រឹត្តិការណ៍ការប្រកួតបាល់ទាត់ពិភពលោកឆ្នាំ២០២២ នៅប្រទេសកាតា។​ 

AI បានជំទាស់ទៅនឹងព្រឹត្តិការណ៍កីឡាបាល់ទាត់ ដែលកំពុងធ្វើដំណើរទៅកាន់មជ្ឈិមបូព៌ា នៅពេលដែលត្រូវបានផ្តល់សិទ្ធិដល់តំបន់នោះ ដោយមានការព្រួយបារម្ភយ៉ាងខ្លាំងអំពីរបៀបដែលព្រឹត្តិការណ៍ នឹងត្រូវជាយ៉ាងណា​ ក្នុងការប្រើប្រាស់កម្លាំងពលកម្មដែលត្រូវការដើម្បីធ្វើ "កីឡដ្ឋានថ្មី ផ្លូវថ្នល់ សណ្ឋាគារ និងគ្រឿងបរិក្ខារផ្សេងៗទៀត​ និងហេដ្ឋារចនាសម្ព័ន្ធ ដើម្បីផ្គត់ផ្គង់ទៅអ្នកគាំទ្រមកពីជុំវិញពិភពលោក”។​ 

Amnesty ជឿជាក់ថាក្នុងរយៈពេល ១២ឆ្នាំចុងក្រោយនេះ ខណៈដែលការត្រៀមរៀបចំសម្រាប់ព្រឹត្តិការណ៍ ដែលនឹងចាប់ផ្តើមនៅថ្ងៃទី២១​ ខែវិច្ឆិកា​ ត្រូវបានបញ្ចប់ "កម្មករចំណាកស្រុករាប់រយពាន់នាក់ ដែលត្រូវបានជួលឱ្យសាងសង់ ឬផ្តល់សេវាកម្មសម្រាប់គម្រោង ទាក់ទងនឹងការប្រកួតបាល់ទាត់ពិភពលោក ត្រូវបានកេងប្រវ័ញ្ច​ និង​បំពាន​ផងដែរ"។

AI អះអាងថា និយោជកជាច្រើនក្នុងប្រទេសកាតា "នៅតែមានការប្រើប្រាស់លើសពីកម្លាំងពលកម្មរបស់ពួកគេ ហើយអាចលុបចោលទិដ្ឋាការរបស់កម្មករ ឬឯកសារ "រត់គេចខ្លួន" គិតប្រាក់ពីពួកគេ ប្រសិនបើពួកគេព្យាយាមផ្លាស់ប្តូរការងារ ធ្វើឱ្យពួកគេប្រឈមនឹងហានិភ័យ នៃការចាប់ខ្លួន និងការនិរទេស"៕