ម៉ាឡេស៊ី និងសឹង្ហបុរី នឹងធ្វើជាម្ចាស់ផ្ទះ ស៊ីហ្គែមលើទី៣៤ និង៣៥
តាមរយៈកិច្ចប្រជុំក្រុមប្រឹក្សាកីឡាអាស៊ីអាគ្នេយ៍ នៅទីក្រុងហាណូយ កាលពីថ្ងៃទី១២ ឧសភា គេរកបានប្រទេស ដែលជាបេក្ខភាព ទទួលធ្វើជាម្ចាស់ផ្ទះស៊ីហ្គេម លើកទី៣៤ ឆ្នាំ២០២៧ និងលើកទី៣៥ ឆ្នាំ២០២៩ ហើយ។
អង្គប្រជុំ បានសម្រេចជាផ្លូវការហើយថា ស៊ីហ្គេមលើកទី៣៤ ឆ្នាំ២០២៧ នឹងធ្វើនៅប្រទេសម៉ាឡេស៊ី។ នេះជាការទទួលធ្វើជាម្ចាស់ផ្ទះ លើកទី៧ របស់ប្រទេសម៉ាឡេស៊ី បន្ទាប់ពីប្រទេសនេះ បានទទួលធ្វើជាម្ចាស់ផ្ទះ លើកដំបូង នៅឆ្នាំ១៩៦៥ និងចុងក្រោយ ឆ្នាំ២០១៧។ ដោយឡែក សម្រាប់ស៊ីហ្គេម លើកទី៣៥ ឆ្នាំ២០២៩ នឹងធ្វើឡើង នៅប្រទេសសឹង្ហបុរី នាំឲ្យប្រទេសដីកោះមួយនេះ ក្លាយជាប្រទេស ដែលទទួលរៀបចំព្រឹត្តិការណ៍នេះ កើនដល់ ៥ លើក គិតចាប់តាំងពីកីឡា ប្រចាំតំបន់ កកើតឡើង នៅឆ្នាំ១៩៥៩។
បច្ចុប្បន្ន ស៊ីហ្គេមលើកទី៣១ ឆ្នាំ២០២១ (លើកមកប្រកួតឆ្នាំ២០២២) កំពុងតែដំណើរការ នៅប្រទេសវៀតណាម ខណៈជាបន្តបន្ទាប់ ស៊ីហ្គេមលើកទី៣២ ឆ្នាំ២០២៣ នឹងធ្វើនៅប្រទេសកម្ពុជា, លើកទី៣៣ ឆ្នាំ២០២៥ ធ្វើនៅប្រទេសថៃ៕
ព័ត៌មានទាក់ទង
ដំណឹងដ៏រីករាយ! FIFA ទទួលស្គាល់កីឡាករចូលសញ្ជាតិខ្មែរ៣រូបជាផ្លូវការ
នេះជាមូលហេតុ Barcelona ស៊ុតចូលគេ១ឬ២គ្រាប់ហើយនៅតែសម្រុក!
