លឹម ពិសុទ្ធ ជាសះស្បើយ ទាន់ស៊ីហ្គេមលើកទី៣១
ខ្សែបម្រើប្រយុទ្ធ លឹម ពិសុទ្ធ មកពីក្លិបភ្នំពេញក្រោន ដែលរងរបួសបែកទ្រនាប់ជង្គង់ខាងឆ្វេង ហើយឈានដល់ការវះកាត់ កាលពីខែកុម្ភៈនោះ បានជាសះស្បើយ ទាន់ស៊ីហ្គេម នៅវៀតណាម។ កីឡាកររូបនេះ បានអាក់ខាន ចូលរួមលេងក្នុងពាន AFF U-23 Championship 2022 ដែលកម្ពុជាធ្វើជាម្ចាស់ផ្ទះ គួរឲ្យសោកស្ដាយ។ តែពេលនេះ គេជាសះស្បើយ ហើយនឹងត្រូវកោះហៅ ចូលក្រុម U-23 កម្ពុជា ជាថ្មីឡើងវិញ ។
លោក ភា សុភ័ក្ត្រា ដែលជាគ្រូជំនួយជម្រើសជាតិ បាននិយាយថា ”ដើមឡើយ យើងមិនរំពឹង លឹម ពិសុទ្ធ នឹងជាសះស្បើយ ទាន់ព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាមទេ ដ្បិតរបួសរបស់គេ ត្រូវបានប៉ាន់ស្មានថា សម្រាកយូរ ”។ “យើងបានស្គាល់គាត់ ហើយយើងបានដឹងកម្រិតរបស់គាត់។ អ៊ីចឹងយើងនៅតែត្រូវការគាត់ជាចំបាច់ ឲ្យតែថា គាត់អាចចូលហាត់វិញបាននោះ វាជារឿងប្រសើរ ដែលយើងត្រូវការគាត់ ចាំបាច់វិលត្រឡប់មកវិញ ជាមួយនឹងក្រុម“។
លឹម ពិសុទ្ធ ត្រូវបានដឹងថា រងរបួសជង្គង់ តាំងពីឆ្នាំ២០១៩ ក្នុងពេលប្រកួតពានយុវជន KMH អាយុក្រោម ១៨ឆ្នាំ គ្រាដែលគេលេងឲ្យ U-18 ភ្នំពេញក្រោន។ ប៉ុន្តែរបួសនេះ ទើបតែធ្ងន់ធ្ងរ នៅដើមឆ្នាំ២០២២នេះ ដែលឈានទៅដល់ការវះកាត់ និងទទួលជោគជ័យ នាពេលនេះ៕
ព័ត៌មានទាក់ទង
Real Madrid កំពុងកំណត់គោលដៅខ្សែការពារកណ្តាលរបស់បារាំង កីឡាករ William Saliba
ព្យាករណ៍គូ Manchester United vs Fulham
