Liverpool សង្ឃឹមខ្ពស់បាន៣ពិន្ទុពីក្រុមម្ចាស់ផ្ទះ Newcastle
Liverpool ដែលប្រជែងកើបពានបួនក្នុងមួយរដូវកាល កំពុងបន្តទម្រង់លេងល្អគ្មានអ្នកអាចបញ្ឈប់បានដើម្បីដេញតាមពីក្រោយក្រុមកំពូលតារាង Manchester City ។ គិតត្រឹមពេលនេះមានតែ១ពិន្ទុប៉ុណ្ណោះដែលខ័ណ្ឌចែករវាងក្រុមយក្សទាំងពីរ ហើយក្រុមទាំងពីរក៏ទំនងស្ថិតលើមាគាជួបគ្នាក្នុងវគ្គផ្តាច់ព្រ័ត្រ Champions League ផងដែរ។
យ៉ាងណាក៏ដោយ ហង្សក្រហមគ្មានជម្រើសអ្វីក្រៅពីត្រូវបន្តឈ្នះរហូតនោះឡើយ។ ដោយសល់តែ៥ប្រកួតនឹងចប់រដូវកាល ពួកគេត្រូវតែបង្ហាញទម្រង់លេងដ៏ខ្លាំងបំផុតដើម្បីយកឈ្នះលើម្ចាស់ផ្ទះ Newcastle ឱ្យខាងតែបាន។
ក្រុមសារិកាព្រៃ Newcastle បានកែលម្អទម្រង់លេងរបស់ពួកគេយ៉ាងគួរឱ្យចាប់អារម្មណ៍ក្នុងរយៈពេលប៉ុន្មានខែកន្លងមកនេះ។ ពួកគេទំនងនឹងកាន់តែល្អនៅរដូវកាលក្រោយ ហើយការឈ្នះលើក្រុមម្ចាស់ជើងឯកអឺរ៉ុប ៦ សម័យនៅថ្ងៃសៅរ៍នេះ នឹងក្លាយជាសមិទ្ធផលដ៏អស្ចារ្យមួយសម្រាប់ម្ចាស់មហាសេដ្ឋីថ្មីរបស់ពួកគេ។
ដោយហេតុនេះគេរំពឹងមានការប្រកួតដ៏សាហាវរវាងក្រុមទាំងពីរនៅកីឡដ្ឋាន Saint James ចុងសប្តាហ៍នេះ។
ការរំពឹងទុកគឺថាគ្រាប់បាល់នឹងមានច្រើន។ ប៉ុន្តែសូមចំណាំដែរថា ប្រៀបឈ្នះគឺនៅខាងហង្សក្រហម។ ពួកគេលេងល្អពេកហើយនៅរដូវកាលនេះ។
លទ្ធផលព្យាករណ៍ Liverpool ឈ្នះ ២-១៕
ព័ត៌មានទាក់ទង
Real Madrid កំពុងកំណត់គោលដៅខ្សែការពារកណ្តាលរបស់បារាំង កីឡាករ William Saliba
ព្យាករណ៍គូ Manchester United vs Fulham
