Liverpool អាចបំបែករនាំងការពារដ៏រឹងមាំរបស់ Villarreal បានឬអត់យប់នេះ?
Liverpool នៅតែបន្តប្រឹងកើបពានឱ្យបានបួនជាប្រវត្តិសាស្ត្រក្នុងរដូវកាលនេះ ហើយលើសពីនេះទៀតគឺពានអឺរ៉ុបលើកទីប្រាំពីររបស់ខ្លួន។ ប្រសិនបើពួកគេអាចធ្វើរឿងនេះបាន ពួកគេអាចឡើងដល់កម្រិតស្មើជាមួយ AC Milan ហើយមានតែ Real Madrid ប៉ុណ្ណោះដែលនាំមុខពួកគេជាមួយនឹងពាន UCL ចំនួន ១៣ ។
ពួកគេស្ថិតក្នុងទម្រង់លេងល្អគួរឱ្យចាប់អារម្មណ៍ ហើយក៏កំពុងស៊ុតទម្លុះសំណាញ់ទីក្នុងអត្រាគួរឱ្យចាប់អារម្មណ៍ផងដែរ។ ពួកគេលេងល្អខ្លាំងណាស់នៅក្នុងផ្ទះទីដែលពួកគេបានបង្កការគំរាមកំហែង
ដល់ក្រុមភ្ញៀវទាំងអស់។
ពួកគេនឹងព្យាយាមឱ្យអស់ពីសមត្ថភាពដើម្បីយកឈ្នះដាច់គ្រាប់នៅទឹកដីខ្លួនឯងនៅជើងទីមួយនេះ ព្រោះពួកគេដឹងពីគ្រោះថ្នាក់ ដែលក្រុមនាវាមុជទឹកលឿង Villarrealបង្កដល់ពួកគេ
នៅជើងទីពីរ។
ដោយទម្លាក់ Juventus និង Bayern Munich កូនក្រុមរបស់លោក យូណៃ អេមីរី កំពុងសម្ញែងអនុភាពនៅលើឆាកអឺរ៉ុប។ ហើយប្រសិនបើពួកគេអាចលើកពាន Champions League ត្រឹមតែមួយឆ្នាំបន្ទាប់ពីឈ្នះ Europa នោះវានឹងក្លាយទៅជាប្រវត្តិសាស្ត្រថ្មីចែសសម្រាប់ពួកគេ។
ទោះតាមមធ្យោបាយណាក៏ដោយ គេរំពឹងមានការប្រកួតដ៏ស្វិតស្វាញនៅថ្ងៃពុធនេះនៅកីឡដ្ឋាន Anfield ។
ទោះយ៉ាងណា ប្រៀបឈ្នះគឺបានទៅខាងកូនក្រុមរបស់លោក ជួហ្គិន ក្លប់ ដែលលេងល្អដូចផ្កានៅក្នុងទឹកដីខ្លួនឯងនិងតែងស៊ុតបញ្ចូលទីច្រើនៗគ្រាប់។
ប្រវត្តិត្រួសៗ
– ការជួបគ្នាចុងក្រោយបានបញ្ចប់ក្នុងលទ្ធផល ៣-០ សម្រាប់ក្រុមរបស់លោកក្លប់។
– ក្រុមទាំងពីរប៉ះគ្នានៅវគ្គពាក់កណ្តាលផ្តាច់ព្រ័ត្រនៃ Europa League ២០១៥-១៦ ហើយបន្ទាប់មកហង្សក្រហមបានឈានទៅវគ្គផ្តាច់ព្រ័ត្រ។
– ហង្សក្រហមបានស៊ុតបញ្ចូលទីលើសពីពីរគ្រាប់ទល់នឹងក្រុមពីរផ្សេងទៀតរបស់អេស្ប៉ាញ។
– ស្របពេលជាមួយគ្នានេះដែរ Villarreal បានចាញ់៣លើកចុងក្រោយទល់នឹងក្រុមអង់គ្លេសផ្សេងទៀត។
Liverpool កំពុងស្ថិតក្នុងទម្រង់លេងឈ្នះបីប្រកួតជាប់ៗគ្នា ហើយពួកគេស៊ុតចូលសរុបចំនួន ៩ ក្នុងដំណើរការនេះ។ ពួកគេក៏បានឈ្នះ ២០ លើកក្នុងចំណោម ២៣ ប្រកួតចុងក្រោយរបស់ពួកគេដែរ ហើយពួកគេបានចាញ់ត្រឹមតែម្តងគត់ក្នុងទឹកដីខ្លួនឯងក្នុងរយៈពេល ៨ ខែកន្លងមកនេះ។
ចំណែក Villarreal មិនបានទទួលជ័យជម្នះក្នុងការប្រកួតចំនួន ៥ លើកក្នុងចំណោមការប្រកួតចំនួន ១០ ចុងក្រោយរបស់ពួកគេ ហើយពួកគេបានទទួលជ័យជម្នះសរុបត្រឹមតែ ៤ ដងប៉ុណ្ណោះនៅក្រៅទឹកដីក្នុងឆ្នាំ ២០២២ នេះ។
អ្វីដែលគួរឱ្យកត់សម្គាល់គឺ Villarreal មានកំណត់ត្រាអន់ជាមួយ Liverpool។
សម្រាប់ហេតុផល យើងរំពឹងហង្សក្រហមធ្វើបានល្អនៅថ្ងៃពុធនេះ។ លទ្ធផលព្យាករណ៍ Liverpool ឈ្នះ ៤-០៕
ព័ត៌មានទាក់ទង
Real Madrid កំពុងកំណត់គោលដៅខ្សែការពារកណ្តាលរបស់បារាំង កីឡាករ William Saliba
ព្យាករណ៍គូ Manchester United vs Fulham
