Liverpool ស្ថិតក្នុងឱកាសដ៏ខ្ពស់ ក្នុងការប្រកួតដណ្តើមយកពាន ដោយឈរនៅលេខរៀងទី២ ក្នុងតារាងលីកដែលមាន៧៦ពិន្ទុ ខណៈដែល Everton កំពុងព្យាយាមគេចពីតំបន់កាត់ចោល ដោយឈរនៅលេខ១៧ មាន ២៩ពិន្ទុ។​ Liverpool ដែលទើបតែទទួលបានជ័យជម្នះយ៉ាងធំមួយ​ ដោយបានយកឈ្នះលើក្រុម Manchester United ៤-០ ដែលបានធ្វើឲ្យពួកគេឡើងឈរលើកំពូលតារាងលីគមួយរយៈពេលខ្លី។​ Liverpool មាន​ទំរង់ប្រយុទ្ធ​ដ៏​ល្អ​បំផុត​ក្នុង​លីក ហើយ​ដែល​បាន​បង្ហាញ​ជាក់ស្តែង​ក្នុង​ការ​ប្រកួត​ថ្មីៗ​របស់​ពួក​គេ។

Everton មាន​៤ពិន្ទុ​ក្នុង​ការ​ប្រកួត​ពីរ​លើក​ចុង​ក្រោយ​របស់​ពួក​គេ ហើយ​នោះ​បានបញ្ជាក់ពី​ការ​រីក​ចម្រើន​យ៉ាង​ខ្លាំង។​ ពួក​គេ​ទើបតែបាន​​ប្រកួត​ស្មើ ១-១ ជាមួយ Leicester City ដោយ​បាន​វាយ​បកតាម​ពីក្រោយ​ការ​ស៊ុត​បាល់​បញ្ចូល​ទី​1គ្រាប់មុន។  Everton ប្រកួតឈ្នះ​តែ​១ប្រកួត​គត់​ក្នុង​ការ​ប្រកួត​៥លើក​ចុង​ក្រោយ​ ពួក​គេ​បាន​យក​ឈ្នះ Manchester United ១-០។ លទ្ធផលក្នុងការប្រកួតទាំងពីរនេះ បានបញ្ជាក់ឱ្យឃើញថា Everton រក្សាបាន១ពិន្ទុពីតំបន់កាត់ចោល ហើយនៅសល់១ប្រកួតក្នុងដៃ ដែលជាគុណសម្បត្តិមួយពីមុខក្រុមកំពុងតាមពីក្រោយ​ ប៉ុន្តែវាអាចនឹងផ្លាស់ប្តូរនៅពេលដែលពួកគេបង្ហាញខ្លួននៅ Anfield ។​

ចំណុចសំខាន់រវាង Liverpool - Everton
- Liverpool មិន​ស្គាល់​ការចាញ់​ទាល់តែសោះ​ក្នុង​ការ​ប្រកួត​លីក​ចំនួន១៣ប្រកួត ។
- Liverpool គ្មានការស៊ុតបញ្ចូលទីពីគូប្រកួតចំនួន៨ប្រកួត ក្នុងការប្រកួត១០លើក។
- Liverpool ប្រកួតឈ្នះ​ជាប់​ៗ​គ្នា​ក្នុង​ការ​ប្រកួត​លីក​ចំនួន១១ប្រកួត​ក្នុងដី។
- Everton ប្រកួត​ចាញ់​ចំនួន​៦​ប្រកួតក្នុង​ការ​ប្រកួត​លីក​ចំនួន១០លើកចុងក្រោយ​របស់​ពួកគេ។
- Everton មិន​​បានប្រកួតឈ្នះ​ក្នុង​ការ​ប្រកួត​ក្រៅ​ដី១៣លើក​ចុង​ក្រោយ​របស់​ពួក​គេ។

ការសន្និដ្ឋាន Liverpool - Everton
Liverpool ច្បាស់ណាស់ជាក្រុមដែលជាជំរើសពេញចិត្ត​ ហើយពួកគេបានធ្វើយ៉ាងល្អសម្រាប់ការប្រកួតក្នុងដី។​ ខណៈពេលដែល Everton ត្រូវការបីពិន្ទុសម្រាប់ឱកាសរស់រានមានជីវិតរបស់ពួកគេ វាមើលទៅហាក់ដូចជាមិនងាយស្រួលសម្រាប់ពួកគេក្នុងការក្រកួតប្រជែងជាមួយនឹង Liverpool នៅកីឡដ្ឋាន Anfield នោះទេ។​ ក្រុមហង្សក្រហមបានទទួលជ័យជម្នះ១១ប្រកួតជាប់ៗគ្នាក្នុងលីក ដែលពួកគេធ្វើឱ្យមានភាពរំភើបភ្ញាក់ផ្អើលទាំងទំរង់ប្រយុទ្ធ និងការពារ។​ នៅក្នុងទម្រង់បច្ចុប្បន្នរបស់ពួកគេ យើងគិតថា Liverpool​ នឹងទទួលជ័យជំនះទាំងពីរតង់៕