Manchester City ចង់​បន្ត​ជ័យជម្នះ​របស់​ខ្លួន​ទៅមុខទៀត ក្រោយ​ទទួល​ជ័យជម្នះ ១-០ លើ Atlético Madrid ក្នុង Champions League ។​

​ក្នុង​ការប្រកួត​នោះ Manchester City គ្រប់គ្រង​បាល់ ៧១% និង​ស៊ុត ១៥ ដង​ចំ​គោលដៅ ២ ដង​។ អ្នក​ស៊ុត​បញ្ចូល​ទី​ឱ្យ Manchester City គឺ Kevin De Bruyne (​នាទី​៧០) ។ Atlético de Madrid មិន​បាន​ស៊ុត​សូម្បី​មួយ​ជើង​ក្នុង ៩០ នាទី​ពេញ​។​

​លទ្ធផល​ចុងក្រោយ​នេះ​ស​បញ្ជាក់​ថា​អ្វីៗ​គឺ​ដំណើរការ​ទៅតាម​ផែនការ​របស់ Manchester City ។ មេឃ​ខៀវ City ផ្តល់ឱកាស​តិចតួច​បំផុត​ដល់​ក្រុម​ប្រជែង​ក្នុងការ​ស៊ុត​បញ្ចូល​ទី​របស់​ខ្លួន ដោយ​៦​ប្រកួត​ចុងក្រោយ ពួកគេ​របូត​តែ​២​គ្រាប់​ប៉ុណ្ណោះ​។​

​មុន​ការប្រកួត​នេះ ក្រុម Manchester City មិន​ដែល​ចាញ់ Liverpool ក្នុង​ការប្រកួត​៤​លើក​ចុង​ក្រោយ​នៅក្នុង EPL​។​

Liverpool ចូលមក​ក្នុង​ការប្រកួត​នេះ បន្ទាប់ពី​យក​ឈ្នះ ១-៣ លើ Benfica ក្នុង Champions League​។​

​នៅក្នុង​ការប្រកួត​នោះ Liverpool គ្រប់គ្រង​បាល់ ៦៥% និង ស៊ុត​១៧​លើក​ចំ​គោលដៅ​៨​លើក​។ សម្រាប់​ក្រុម​ហង្ស​ក្រហម Liverpool អ្នក​ស៊ុត​បញ្ចូល​ទី​គឺ Ibrahima Konaté (​នាទី​១៧), Sadio Mané (​នាទី​៣៤) និង Luis Díaz (​នាទី​៨៧) ។ សម្រាប់ Benfica ពួកគេ​ស៊ុត ៩ ដង​ចំ​គោលដៅ ៣ ដង​។ Darwin Núñez គឺជា​អ្នក​ស៊ុត​បញ្ចូល​ទី​ឱ្យ Benfica នៅ​នាទី ៤៩​។​

​ត្បិត​របូត​១​គ្រាប់​ទល់នឹង Benfica ក៏ពិតមែន ប៉ុន្តែ​សរុប ៦ ប្រកួត​ចុងក្រោយ​ហង្ស​ក្រហម​របូត​តែ ២ គ្រាប់​ប៉ុណ្ណោះ​។ ក្នុងអំឡុងពេល​ដូចគ្នានេះ ខ្សែប្រយុទ្ធ​របស់​ពួកគេ​បាន​ស៊ុត​បញ្ចូល​ទី ១០ គ្រាប់​។ ដូច្នេះ​នេះ​អាច​បញ្ជាក់បាន​ថា គីឡូ​របស់​ហង្ស​ក្រហម​ក៏​មិន​ចាញ់ Man City នោះដែរ​។

Liverpool មិន​ដែល​ឈ្នះ​នៅ​ទឹកដី​របស់ Man City នៅ​៥​ប្រកួត​ចុងក្រោយ​ក្នុង EPL ក៏ប៉ុន្តែ​អំឡុងពេល​ចាញ់​ទាំងនោះ គឺ Liverpool ឬ Man City អស់​អី​ត្រូវ​លេង ហើយ​វា​ជា​ការប្រកួត​មិនសូវ​សំខាន់​នោះ​ទេ​។

​ប៉ុន្តែ​សម្រាប់​ថ្ងៃអាទិត្យ​នេះ​វិញ ពួកគេ​នឹង​លេង​ដូច​វគ្គ​ផ្តាច់ព្រ័ត្រ​យ៉ាង​អ៊ីចឹង ពីព្រោះ​មាន​គម្លាត​ត្រឹម​១​ពិន្ទុ​ប៉ុណ្ណោះ​។ ហេតុ​ដូច្នេះ​សម្ពាធ​ធ្ងន់​នឹង​ធ្លាក់​ទៅលើ Man City ព្រោះ​ពួកគេ​ជា​ម្ចាស់ផ្ទះ និង​ជា​អ្នក​នាំមុខ ចំណែក Liverpool មាន​សម្ពាធ​ទាប​ជាង ព្រោះ​លេង​ក្នុងនាម​ជា​ក្រុម​ប្រដេញ​តាម​ពីក្រោយ​។

​យោង​លើ​ហេតុផល​នេះ Liverpool មានសង្ឃឹម​ឈ្នះ​ច្រើន​ជាង​ម្ចាស់ផ្ទះ ក្នុង​លទ្ធផល​ព្យាករណ៍ ១-០៕