ព្យាករណ៍គូ Everton vs Man Uitd (EPL)
បិសាចក្រហម Man Uitd កំពុងប្រជែងយកតំណែងលេខ៤ទាំងអស់សង្ឃឹម។ ពួកគេមានកីឡាករល្អៗមិនគួរឱ្យជឿនៅពេលនេះ ហើយវានឹងក្លាយជាគ្រោះមហន្តរាយ ប្រសិនបើពួកគេខកខានទទួលបានសំបុត្រទៅកាន់ក្របខ័ណ្ឌ Champions League ។
គិតត្រឹមពេលនេះ ពួកគេកំពុងឈរនៅលេខរៀងទី ៧ ក្នុងតារាង ហើយត្រូវការ ៣ ពិន្ទុដាច់ខាតដើម្បីតាមទាន់ក្រុមលេខ ៤ Tottenham ។ ទោះយ៉ាងណា ក្រុមដែលនៅពីលើពួកគេ (West Ham, Arsenal, & Spurs) កំពុងស្ថិតក្នុងទម្រង់លេងប្រសើរជាង ហើយក្រុមសឹងទាំងអស់សុទ្ធតែមានការប្រកួតសល់ក្នុងដៃផងដែរ។
នេះរឹតតែធ្វើឱ្យកូនក្រុមរបស់លោក Ralf Rangnick ស្ថិតក្នុងស្ថានភាពគួរឱ្យព្រួយបារម្ភ។ ពួកគេត្រូវការជ័យជម្នះទោះក្នុងតម្លៃណាក៏ដោយនៅថ្ងៃសៅរ៍នេះ។ ហើយនេះជាឱកាសល្អបំផុតដែលពួកគេត្រូវប៉ះនឹងក្រុមស្ករគ្រាប់ Everton ដែលកំពុងធ្លាក់ជើងយ៉ាងខ្លាំង។
ស្ករគ្រាប់មិនគ្រាន់តែជាក្រុមអន់បំផុតមួយនៅក្នុង EPL នៅរដូវកាលនេះប៉ុណ្ណោះទេ ប៉ុន្តែពួកគេថែមទាំងកំពុងប្រឈមមុខនឹងការកាត់ចោលនៅពេលនេះទៀតផង។ ពីរឬបីឆ្នាំមុន គ្មាននរណាហ៊ាននិយាយថា Everton ជាក្រុមអន់ឬក្រុមប្រឈមកាត់ចោលនោះទេ។ ប៉ុន្តែនេះជាការពិត ព្រោះ Everton ពិតជាអន់ហៅលែងឮមែននៅលីកកំពូលអង់គ្លេសបច្ចុប្បន្ន។
ឥឡូវពួកគេឈរនៅលេខ ១៧ ក្នុងតារាង ហើយអាចនឹងធ្លាក់បើហ៊ានតែចាញ់ Man U ថ្ងៃនេះ។ សម្ពាធបូករួមទាំងតំបន់ការពារខ្សោយរបស់ពួកគេនឹងធ្វើឱ្យពួកគេក្លាយជាក្រុមងាយរងគ្រោះនៅចុងសប្តាហ៍នេះ។ ដូច្នេះចង់មិនចង់គឺ Man U មានប្រៀបឈ្នះខ្ពស់ជាងនៅថ្ងៃសៅរ៍នេះ។
លទ្ធផលព្យាករណ៍ Man U ឈ្នះ ២-១៕
ព័ត៌មានទាក់ទង
ដំណឹងដ៏រីករាយ! FIFA ទទួលស្គាល់កីឡាករចូលសញ្ជាតិខ្មែរ៣រូបជាផ្លូវការ
នេះជាមូលហេតុ Barcelona ស៊ុតចូលគេ១ឬ២គ្រាប់ហើយនៅតែសម្រុក!
