Manchester United បានផ្ញើសារទៅកាន់អតីតអ្នកចាត់ការ Louis Van Gaal​ ជាមួយ "កម្លាំងចិត្ត និងភាពក្លៀវក្លា" បន្ទាប់ពីការលាតត្រដាងថា រូបលោកកំពុងប្រយុទ្ធនឹងជំងឺមហារីក។

United បានផ្ញើពាក្យជូនពររបស់ពួកគេទៅកាន់ Louis van Gaal​ ដែលជាគ្រូបង្វឹកហូឡង់ បច្ចុប្បន្នជាមួយនឹងសារលើគណនី Twitter ផ្លូវការរបស់ពួកគេដោយសរសេរថា "អ្នករាល់គ្នានៅ Manchester United គឺនឹងនៅពីក្រោយអតីតអ្នកចាត់ការទូទៅរបស់យើង Louis van Gaal ក្នុងការប្រយុទ្ធប្រឆាំងនឹងជំងឺមហារីក។ សូមផ្ញើជូនអ្នកនូវកម្លាំងចិត្ត​ និងភាពក្លៀវក្លាទៅ Louis ។"

លោក Van Gaal បានរីករាយនឹងអាជីពជាគ្រូបង្វឹកដែលទទួលបានជោគជ័យជាច្រើន ក្នុងរយៈពេលជាង៣០ឆ្នាំ ដែលបានចំណាយពេលក្នុងទីលាន Old Trafford ចន្លោះឆ្នាំ២០១៤ និង ២០១៦។

គាត់បានទទួលសារជាពីកីឡាករ​ និងក្លឹបជាច្រើន​ ហើយបិសាចក្រហមក៏បានបង្ហាញការគាំទ្ររបស់ពួកគេ តាមរយៈប្រព័ន្ធផ្សព្វផ្សាយបណ្តាញសង្គមផងដែរ៕

ប្រភព៖ Goal