កីឡាករជម្រើសជាតិអង់គ្លេស ទទួលបានការសរសើរជាពិសេស ក្រោយពីបានបង្ហាញភាពលេចធ្លោក្នុងការប្រកួត Premier League បន្ទាប់ពី Spurs បានយកឈ្នះលើ Newcastle។ 

Harry Kane ត្រូវបានប្រៀបធៀបទៅនឹងវីរបុរសអាហ្សង់ទីន Diego Maradona ដោយលោក​ David Ginola ដែលបានសរសើរការផ្លាស់ប្តូរខ្សែប្រយុទ្ធ ទៅជា "អ្នកបង្កើតឱកាស" របស់ Tottenham។

អតីតខ្សែបម្រើរបស់ Tottenham លោក​ David Ginola មើលឃើញភាពស្រដៀងគ្នារវាង Kane និង Maradona។ Ginola បាននិយាយថា​ Kane គាត់ដូចជា Maradona ត្រង់ការលេងនៅកណ្តាលតារាង បោះបាល់វែង បោះបាល់ខ្លី ការស៊ុតបញ្ចូលទី និងការផ្តល់បាល់ជំនួយ។

Kane បានលេងពេញការប្រកួត ៩០នាទីនៃជ័យជម្នះ ៥-១ លើ Newcastle ក្នុងដីរបស់ Spurs កាលពីថ្ងៃអាទិត្យ ដែលបានធ្វើឱ្យក្រុមរបស់លោក Antonio Conte ឡើងទៅកាន់ក្រុមកំពូលទាំងបួន។

កីឡាករវ័យ ២៨ឆ្នាំរូបនេះ មិនស្ថិតក្នុងចំណោមកីឡាករស៊ុតបញ្ចូលទីនោះទេ ប៉ុន្តែបានជាប់ឈ្មោះកីឡាករបញ្ជូនបាល់ឱ្យមិត្តជារួមក្រុមជាលើកទី៦ របស់គាត់ក្នុងរដូវកាលនេះ ហើយទទួលបានការសរសើរពិសេសដោយ Ginola បន្ទាប់ពីបញ្ចប់ការប្រកួត៕

ប្រភព៖ Goal