ក្រុមហ៊ុនផលិតសម្លៀកបំពាក់កីឡា បានដាក់បង្ហាញបាល់ទី១៤ របស់ខ្លួន ដែលត្រូវបានបង្កើតឡើងសម្រាប់ការប្រកួតអន្តរជាតិ។ 

ក្រុមហ៊ុន Adidas បានបង្ហាញបាល់ជាផ្លូវការ 'Al Rihla' របស់ខ្លួន សម្រាប់ការប្រកួតបាល់ទាត់ពិភពលោកឆ្នាំ២០២២ ដែលក្រុមហ៊ុនអះអាងថា នេះជាបាល់ "ហោះ" លឿនបំផុតក្នុងប្រវត្តិសាស្ត្រ។

Al Rihla ត្រូវ​បាន​គេ​និយាយ​ថា ​នឹង​ធ្វើ​ចលនា​លឿន​ជាង​បាល់ World Cup មុនៗ ហើយ​នឹង​ផ្ដល់​នូវ "កម្រិត​ខ្ពស់​បំផុត ​នៃ​គុណភាព​ ​និង​ភាព​ទុក​ចិត្ត​លើ​ការ​លេង"។

បាល់ដែលត្រូវបានរចនាចុងក្រោយបង្អស់ គឺសម្រាប់តែការប្រកួតពិភពលោក នឹងប្រព្រឹត្តទៅនៅប្រទេសកាតា ដោយមានក្រុមចំនួន៣២ ដែលត្រូវប្រកួតប្រជែងដណ្តើមពានរង្វាន់បាល់ទាត់អន្តរជាតិក្នុងខែវិច្ឆិកា៕

ប្រភព៖ Goal