វីរបុរសរបស់អាហ្សង់ទីន បានឱ្យដឹងថា គាត់នឹងចូលនិវត្តន៍ពីកាតព្វកិច្ចប្រកួតអន្តរជាតិ​ បន្ទាប់ពីការប្រកួតបាល់ទាត់ពិភពលោកនៅចុងឆ្នាំនេះ។ 

គ្រូបង្វឹករបស់អាហ្សង់ទីន Lionel Scaloni បាននិយាយថា អ្នកគាំទ្រគួរតែរីករាយជាមួយ Lionel Messi ខណៈដែលពួកគេនៅធ្វើបាន ព្រោះថ្ងៃណាមួយគាត់នឹងចូលនិវត្តន៍ជាក់ជាមិនខាន។ 

Messi បាននិយាយថា គាត់ត្រូវតែ "គិតសាឡើងវិញនូវរឿងជាច្រើន" បន្ទាប់ពីការប្រកួតនៅប្រទេសកាតា ហើយអាចជ្រើសរើសការចាកចេញពីក្រុមជម្រើសជាតិ។

កីឡាករវ័យ ៣៤ឆ្នាំរូបនេះ បានធ្វើការស្នើបន្ទាប់ពីការប្រកួតឈ្នះក្នុងវគ្គជម្រុះកាលពីថ្ងៃសុក្រ ទៅលើប្រទេសវេណេហ្ស៊ុយអេឡា​ ថាគាត់អាចសម្រាកពីអាជីពអន្តរជាតិរបស់គាត់ បន្ទាប់ពីការប្រកួតបាល់ទាត់ពិភពលោកឆ្នាំ២០២២៕