Vinicius នឹងអវត្តមានក្នុងជំនួបទល់ Liverpool ក្នុងពានរង្វាន់ UCL នៅថ្ងៃស្អែកនេះ
Vinicius Jr បានរងរបួសសរសៃពួរបន្ទាប់ពីរូបគេបង្ហាញខ្លួនពេញ៩០នាទីក្នុងការប្រកួតទល់ក្រុម Leganes ដែលយកឈ្នះ ៣-០ កាលពីចុងសប្ដាហ៍។
Liverpool នឹងបើកទ្វាផ្ទះ Anfield របស់ខ្លួនស្វាគមន៍ក្រុមយក្សរបស់អេស្ប៉ាញ នាវេលាម៉ោង៣យប់រំលងអាធ្រាត្រ សម្រាប់សប្ដាហ៍ទី៥ ក្នុងការប្រកួតសន្សំពិន្ទុពានរង្វាន់ UEFA Champions League។ ក្នុងការធ្វើដំណើរទៅកាន់អង់គ្លេសក្លឹបរបស់ប្រទេសអេស្ប៉ាញមានសមាជិកសរុប១៩រូបក្នុងនោះមិនមានវត្តមានរបស់ Vinicius ទេ ដោយសារតែគេមានរបួសមិនអាចចូលរួមបាន។
បើតាមរបាយការណ៍របស់ Marca បានចុះផ្សាយថា Vinicius អាចនឹងអវត្តមានរហូតដល់ទៅ៣សប្ដាហ៍ឯណោះ ប៉ុន្តែក្លឹបយក្សរបស់អេស្ប៉ាញមួយនេះ មិនបានចេញមកបញ្ជាក់ជុំវិញស្ថានភាពរបួសនេះទេ៕
ព័ត៌មានទាក់ទង
ដំណឹងដ៏រីករាយ! FIFA ទទួលស្គាល់កីឡាករចូលសញ្ជាតិខ្មែរ៣រូបជាផ្លូវការ
នេះជាមូលហេតុ Barcelona ស៊ុតចូលគេ១ឬ២គ្រាប់ហើយនៅតែសម្រុក!
