Pep ៖ កីឡាករឈឺចាប់ជាងអ្នកណាទាំងអស់ នៅពេលក្រុមទទួលបានលទ្ធផលបរាជ័យផ្ទួនៗ ដូច្នេះ
លោក Pep Guardiola អ្នកចាត់ការរបស់ក្រុម Manchester City បាននិយាយថា កីឡាករឈឺចាប់ជាងអ្នកណាទាំងអស់ នៅពេលក្រុមទទួលបានលទ្ធផលបែបនេះ។
មេឃខៀវបានបរាជ័យផ្ទួនៗ ពោលគឺ៥ប្រកួតជាប់ៗគ្នាហើយ ក្នុងនោះការចាញ់ក្នុងដី៤-០ទៅលើក្រុម Tottenham ជាការបរាជ័យលើកទី១ក្នុងផ្ទះខ្លួនឯង គិតចាប់ពីឆ្នាំ២០០៣មក ហើយជាការចាញ់៥ប្រកួតជាប់គ្នាលើកទី១ គិតចាប់ពីឆ្នាំ២០០៦។
និយាយពី Pep វិញ មិនដែលដឹកនាំក្រុមណាបរាជ័យ៥ប្រកួតជាប់គ្នាដូច្នេះឡើយ ក្នុងអាជីពរបស់លោក។ ក្នុងការបរាជ័យផ្ទួនៗដូច្នេះ លោក Pep អ្នកចាត់ការរបស់មេឃខៀវងាកទៅលើកទឹកចិត្តកូនក្រុម និងបាននិយាយថា លោកជាអ្នកចាត់ការឈឺចាប់ហើយ ប៉ុន្តែលោកជឿថា កូនក្រុមរបស់លោកប្រាកដជាឈឺចាប់ខ្លាំងជាងលោកទៅទៀត។
លោកបានបន្ថែមថា គ្មានកីឡាករណាចង់លេងមិនល្អ ឬចង់បង្ហាញថា ខ្លួនលេងមិនល្អនៅចំពោះមុខអ្នកគាំទ្រនោះទេ ហើយក៏គ្មានកីឡាករណាចង់បានលទ្ធផលចាញ់ដូច្នេះ ជូនក្លឹបនោះដែរ។ និយាយរួមគ្មានអ្នកណាចង់បានបែបនេះនោះទេ ពិសេសការលេងនៅចំពោះមុខអ្នកគាំទ្រច្រើនរហូតដល់ទៅ៦០០០០នាក់ ប៉ុន្តែបង្ហាញមកលទ្ធផលចាញ់ដូច្នេះ៕
ព័ត៌មានទាក់ទង
ដំណឹងដ៏រីករាយ! FIFA ទទួលស្គាល់កីឡាករចូលសញ្ជាតិខ្មែរ៣រូបជាផ្លូវការ
នេះជាមូលហេតុ Barcelona ស៊ុតចូលគេ១ឬ២គ្រាប់ហើយនៅតែសម្រុក!
