ការប្រកួត Euro 2024 នៅយប់ថ្ងៃទី២៤មិថុនានេះ ដែលជាជំនួបរវាង អាល់បានី និង អេស្ប៉ាញ នៅកីឡដ្ឋាន Düsseldorf Arena។

អាល់បានី ទទួលបានមួយពិន្ទុគួរឱ្យទុកចិត្តពីការប្រកួតមុនទល់និង ក្រូអាស៊ី ក្នុងលទ្ធផលស្មើ ២-២ ក៏ប៉ុន្តែក្រុមរបស់លោក Sylvinho ឥឡូវនេះប្រឈមមុខនឹងការប្រកួតដ៏លំបាក ទល់និង អេស្ប៉ាញ ដែលឈរនៅលើកំពូលតារាងនៃពូល B នៅយប់ថ្ងៃច័ន្ទដែលជាការប្រកួតចុងក្រោយក្នុងពូល ហើយអាល់បានី ត្រូវការបី ពិន្ទុ ដើម្បី ឆ្លងផុតវគ្គនេះ។ 

ទោះបីជាយ៉ាងណាក៏ដោយ ចាប់តាំងពីចូលរួមវគ្គជម្រុះមក អាល់បានី ប្រកួតឈ្នះតែ ២ ប្រកួតប៉ុណ្ណោះ ក្នុងចំណោមការប្រកួតអន្តរជាតិ ៦ ប្រកួតចុងក្រោយ ហើយចាញ់ដល់ទៅ ៣ ប្រកួតផងដែរ ខណៈដែលជម្រើសគ្រាប់បាល់ច្រើន ហាក់គួរឱ្យទាក់ទាញក្នុងការប្រកួតនេះ ដែល ៦ ប្រកួតក្នុងចំណោម ១០ ប្រកួតចុងក្រោយរបស់ អាល់បានី បញ្ចប់ដោយគ្រាប់បាល់ Over ២.៥ គ្រាប់។ 

ចំណែកឯ អេស្ប៉ាញ បានកក់កៅអីទៅកាន់វគ្គចាញ់ធ្លាក់ Euro 2024 នេះ រួចទៅហើយ បន្ទាប់ពីប្រកួតឈ្នះជាប់ៗគ្នាលើ ក្រូអាស៊ី ៣-០ និង ឈ្នះ អ៊ីតាលី ១-០។

អេស្ប៉ាញ ប្រកួតចាញ់តែ ១ ប្រកួតគត់ ប៉ុន្តែ ប្រកួតឈ្នះ ៧ ប្រកួតក្នុង ចំណោម ៨ ប្រកួត នៃវគ្គជម្រុះចែកពូល។ លើសពីនេះទៅទៀត ៦ ប្រកួតក្នុងចំណោម ១០ ប្រកួតចុងក្រោយ របស់អេស្ប៉ាញ បញ្ចប់ដោយមានចំនួនគ្រាប់បាល់ស៊ុតបញ្ចូលទី ៣ គ្រាប់ ឬច្រើនជាងនេះ។

ការព្យាករណ៍ : អេស្ប៉ាញ បានឈ្នះជំនួបទាំង ៨ ប្រកួតលើកមុន ទល់និង អាល់បានី ហើយមិនតិចជាង ៧ ប្រកួតឡើយ នៃជំនួបគ្នានេះ ដែលបញ្ចប់ដោយមានចំនួនគ្រាប់ បាល់ Over ២.៥ គ្រាប់។ ដូច្នេះជម្រើសចម្បងរបស់យើងនៅក្នុងការប្រកួតនេះ គឺ Over ២.៥ គ្រាប់ ជាមួយលទ្ធផល អេស្ប៉ាញ ២-១ អាល់បានី៕