លោក Pochettino វ័យ ៥២ឆ្នាំ បានចូលដឹកនាំ Chelsea កាលពីថ្ងៃទី១ ខែកក្កដា ដោយចុះហត្ថលេខាលើកិច្ចសន្យារយៈពេល ២ឆ្នាំ ជាមួយនឹងជម្រើស ១២ខែបន្ថែមទៀត។

អ្នកចាត់ការសញ្ជាតិអាហ្សង់ទីន ស្ថិតនៅក្រោមសម្ពាធខ្លាំង បន្ទាប់ពីចូលមកកាន់ដំណែងបន្តពីពាក់កណ្តាលរដូវកាលដំបូងដ៏លំបាក ប៉ុន្តែឈ្នះ ៥ប្រកួតជាប់ៗគ្នា បានធានាឱ្យ Chelsea បញ្ចប់រដូវកាលក្នុងចំណាត់ថ្នាក់លេខ៦ នៅ Premier League ។

លោក Pochettino បាននិយាយថា "សូមអរគុណដល់ក្រុមម្ចាស់ក្លឹប Chelsea និងនាយកគ្រប់គ្រងកីឡាសម្រាប់ឱកាសនេះ" ។ "ក្លឹប បច្ចុប្បន្នឈរនៅទីតាំងល្អ ដើម្បីការបន្តដំណើរទៅមុខទាំង Premier League និង អឺរ៉ុប ក្នុងប៉ុន្មានឆ្នាំខាងមុខទៀត"។

បច្ចុប្បន្ននេះ Chelsea នឹងស្វែងរកអ្នកចាត់ការថ្មី ហើយបានបង្ហាញពីចំណាប់អារម្មណ៍នាពេលថ្មីៗនេះ លើអ្នកចាត់ការរបស់ Ipswich លោក Kieran McKenna, Ruben Amorim របស់ Sporting និង Vincent Kompany របស់ Burnley ៕