ការប្រកួត Premier League ថ្ងៃពុធ ទី២៤ ខែមេសា ឆ្នាំ២០២៤ ដែល​ Everton នឹងត្រូវប្រកួតជាមួយ​ Liverpool នៅកីឡដ្ឋាន​​ Goodison Park ។ 

Everton បានឆ្លើយតបក្នុងការដេញថ្លៃដើម្បីគេចចេញពីការកាត់ចោលពីក្របខ័ណ្ឌ Premier League បានយ៉ាងល្អកាលពីថ្ងៃអាទិត្យ បន្ទាប់ពីឈ្នះការប្រកួតក្នុងផ្ទះយ៉ាងសំខាន់​លើ​ Nottingham Forest ក្នុងលទ្ធផល ២-០ ។

ក្រុមរបស់លោក Sean Dyche នឹងមានបំណងឈ្នះការប្រកួតក្នុងផ្ទះជាលើកទី៣ជាប់ៗគ្នា​ ប៉ុន្តែ Everton នឹងប្រឈមមុខជាមួយនឹងក្រុមភ្ញៀវ Liverpool ដែលកំពុងតែមានកម្លាំងចិត្តខ្ពស់នៅលើទីលានប្រកួត។

រីឯ Liverpool ដណ្តើមបាន៣ពិន្ទុដ៏សំខាន់​កាលពីថ្ងៃអាទិត្យ  ដោយបានប្រកួតឈ្នះ​ Fulham ៣-១​ នៅក្រៅដី​ បន្ទាប់ពីឆ្លាក់ចេញពីក្របខ័ណ្ឌ Europa League ដោយក្រុម Atalanta របស់​ អ៊ីតាលី Serie A ។ 

Liverpool ប្រកួតចាញ់តែ​ ១​ ប្រកួតគត់ក្នុងចំណោម​ ១០​ប្រកួតចុងក្រោយក្នុងលីគ ដែលនោះជាលទ្ធផលចាញ់ដែលមិននឹកស្មានដល់​គឺ​ ចាញ់ Crystal Palace ១-០ នៅលើទឹកដីខ្លួនឯង​ ប៉ុន្តែក្រុមហង្សក្រហម ក៏បានប្រកួតឈ្នះ​ ៧​ ប្រកួតផងដែរនៅក្នុងចំណោមការប្រកួតទាំងនោះ។

ការព្យាករណ៍​ :​ Liverpool ធ្លាប់ប្រកួតឈ្នះ​ Everton ៣​ ប្រកួតក្នុងចំណោមជំនួប​ ៤​ ប្រកួតចុងក្រោយ ខណៈដែលអ្វីដែលគួរឱ្យចាប់អារម្មណ៍ គឺមានតែក្រុមមួយប៉ុណ្ណោះ ដែលបានស៊ុតបញ្ចូលទីក្នុងជំនួបទាំង៤ប្រកួតចុងក្រោយនេះផងដែរ។ ដូច្នេះជម្រើសចម្បងរបស់យើងនៅក្នុងការប្រកួតនេះគឺ​​ Liverpool ឈ្នះ និង​ Under ៣.៥ គ្រាប់៕