ការប្រកួត Premier League ថ្ងៃសៅរ៍ ទី២០ ខែមេសា ឆ្នាំ២០២៤ ដែល​ Wolves នឹងត្រូវប្រកួតជាមួយ​ Arsenal នៅកីឡដ្ឋាន​ Molineux​ ។ 

Wolves បានប្រកួតឈ្នះ​ ៤​ ប្រកួតនាពេលថ្មីៗនេះ ក្នុងលីគកំពូលរបស់អង់គ្លេស ដែលទាំងនេះគឺជាជោគជ័យរបស់ពួកគេក្នុងចំណោម​ ១២​ ប្រកួតកន្លងមក។

ចំនួនគ្រាប់​បាល់​ស៊ុតបញ្ចូលទីច្រើនមើល​ទៅ​ទំនង​ជា​នឹង​កើតឡើង នៅកីឡដ្ឋាន Molineux ក្នុងការប្រកួតនេះ​ ខណៈ​ដែល​ ៧​ ប្រកួត​ក្នុង​ចំណោម ១២ ប្រកួត​ចុង​ក្រោយ​របស់​ Wolves បានឱ្យ​ឃើញថា លទ្ធផលបញ្ចប់ដោយមានគ្រាប់បាល់​ Over ២.៥​ គ្រាប់ផង​ដែរ​។​ លើសពីនេះទៅទៀត ៦​ ប្រកួតក្នុងចំណោម ១០ ប្រកួតចុងក្រោយក្នុងផ្ទះរបស់ Wolves ក៏បញ្ចប់ដោយមានគ្រាប់បាល់​ ៣ គ្រាប់ឬច្រើនជាងនេះផងដែរ។

រីឯ​ Arsenal ប្រកួតចាញ់ Aston Villa ២-០ នៅក្នុងផ្ទះ កាលពីចុងសប្តាហ៍មុន ដែលលទ្ធផលនេះបានបញ្ចប់ដំណើរការប្រកួតមិនដែលចាញ់​ ១១ ប្រកួតដ៏គួរឱ្យចាប់អារម្មណ៍​ ហើយក្នុងនោះពួកគេប្រកួតឈ្នះមិនតិចជាង ១០​ ប្រកួតឡើយ។

ដោយប្រកួតឈ្នះ ៥​ ប្រកួតក្នុងចំណោម ៦ ប្រកួតចុងក្រោយ Arsenal មើលទៅហាក់ដូចជាមានប្រៀបជាងនៅក្នុងការប្រកួតនេះ។ លើសពីនេះទៅទៀត​ ៧​ ប្រកួតក្នុងចំណោម​ ១០​ ប្រកួតចុងក្រោយរបស់ Arsenal បញ្ចប់ដោយមានគ្រាប់បាល់​ ៣​ គ្រាប់​ ឬច្រើនជាងនេះ។

ការព្យាករណ៍​ :​ ជំនួបកន្លងមករវាង Wolves និង Arsenal​ ​គឺក្រុមភ្ញៀវឈ្នះ​ ៥​ ប្រកួតចុងក្រោយជាប់ៗគ្នា​ ស្របពេលដែលចំនួនគ្រាប់​បាល់​ស៊ុតបញ្ចូលទី​ Over ២.៥​ គ្រាប់ក៏បានកើតឡើង​ ៣​ ប្រកួតក្នុងចំណោមជំនួប​ ៤​ ប្រកួតចុងក្រោយផងដែរ។ ដូច្នេះជម្រើសចម្បងរបស់យើងនៅក្នុងការប្រកួតនេះគឺ​​ Arsenal ឈ្នះ​ និងគ្រាប់បាល់ Over ២.៥​ គ្រាប់៕