Chelsea មានគោលបំណងក្នុងការដាក់លក់ Reece James និង Conor Gallagher នៅរដូវក្តៅនេះ ក្នុងលក្ខខណ្ឌធ្វើឱ្យក្លឹបអាចទទួលស្ថេរភាពនៃច្បាប់ Financial Fair Play ។

នេះ​បើ​តាម​ការ​ចុះ​ផ្សាយ​របស់​កាសែត The Times ដែល​អះអាង​ថា​ ក្រុម​តោ​ខៀវ ​Chelsea មានគោលបំណងស្វែងរកទឹកប្រាក់ឱ្យ​បាន​ជាង ១០០លាន​ផោន ដោយ​បាន​និយាយ​ថា​ ប្រធាន​ក្រុម James តែ​ម្នាក់​ឯង​មាន​តម្លៃ ៦០​លាន​ផោ​។

James ដែលស្ថិតក្រោមកិច្ចសន្យារហូតដល់ឆ្នាំ២០២៨​ មានវត្តមានក្នុងការប្រកួតជាច្រើនជាងកីឡាករផ្សេងទៀត នៅក្នុងក្រុមបច្ចុប្បន្នរបស់លោក Mauricio Pochettino។ តម្លៃផ្ទេរ ៦០លានផោន ត្រូវបានគេយល់ថាត្រូវបានកំណត់គោលដៅពីក្លឹបជាច្រើន។

រីឯ​ Gallagher ត្រូវ​បាន​ក្លឹប Premier League មួយ​ចំនួន​ដេញ​តាម​ដូចជា West Ham United និង Tottenham Hotspur ក្នុង​ចំណោម​ក្លឹបដែលសរសើរ​ចំពោះកីឡាករ​វ័យ ២៤ឆ្នាំ។ កិច្ចសន្យាបច្ចុប្បន្នរបស់ខ្សែបម្រើកណ្តាលនឹងផុតកំណត់នៅរដូវក្តៅឆ្នាំ២០២៥ ហើយ Chelsea ប្រឈមនឹងការបាត់បង់កីឡាកររូបនេះ ដោយឥតគិតថ្លៃ ប្រសិនបើក្លឹបបរាជ័យលើការលក់ ឬចុះកិច្ចសន្យាថ្មី ដោយ Gallagher កំពុងតែស្វែងរកលក្ខខណ្ឌដែលល្អប្រសើរជាងពេលបច្ចុប្បន្ន៕