ការប្រកួត​ Premier League ថ្ងៃសៅរ៍ ទី៣០ ខែមីនា ឆ្នាំ២០២៤ ដែល​ Chelsea នឹងត្រូវប្រកួតជាមួយ​ Burnley នៅកីឡដ្ឋាន​ Stamford Bridge ។  

ក្រុមតោខៀវ Chelsea បានប្រកួតឈ្នះ Newcastle United ៣-២ ក្នុងផ្ទះមុនពេលការសម្រាកអន្តរជាតិ​ ដែលធ្វើឱ្យពួកគេទទួលបានចំនួនប្រកួតមិនដែលចាញ់ដល់ទៅ ៤ ប្រកួត។

ចំណុចសំខាន់បង្ហាញថា Chelsea ប្រកួតចាញ់តែ​ ២​ ប្រកួតប៉ុណ្ណោះ ក្នុងចំណោម ៩ ប្រកួតចុងក្រោយក្នុងលីគ ដែលក្នុងនោះក៏បូករួមជាមួយនឹងជ័យជំនះ ៥​ ប្រកួត​ ហើយពួកគេក៏ប្រកួតឈ្នះ ៥​ ប្រកួតក្នុងចំណោម ៦ ប្រកួតចុងក្រោយនៅកីឡដ្ឋាន Stamford Bridge ផងដែរ។

រីឯ​ Burnley រកបាន​ ៣​ ពិន្ទុដ៏កម្រកាលដោយបានប្រកួតឈ្នះ​ Brentford ២-១ ក្នុងផ្ទះ​កាលពីប្រកួតមុន ដែលបានរក្សាគម្លាតពួកគេពីតំបន់សុវត្ថិភាព​ ៥​ ពិន្ទុ។

លើសពីនេះទៅទៀត Burnley បានប្រកួតឈ្នះតែ​ ១​ ប្រកួតគត់ក្នុងចំណោម​ ១១ប្រកួតចុងក្រោយក្នុងលីគ ហើយក្នុងនោះពួកគេប្រកួតចាញ់សរុប​ ៧​ ប្រកួតផងដែរ។

ការព្យាករណ៍​ :​ Chelsea មិនដែលប្រកួតចាញ់​ Burnley ក្នុងជំនួប ១០ ប្រកួតចុងក្រោយ​រវាងក្រុមទាំងពីរ ដោយឈ្នះមិនតិចជាង​ ៨​ ប្រកួតឡើយ។ ដូច្នេះជម្រើសចម្បងរបស់យើងនៅក្នុងការប្រកួតនេះ គឺ​ Chelsea​ ឈ្នះ៕