កីឡាករ Cristiano Ronaldo វ័យ ៣៧ឆ្នាំ បានស៊ុតបញ្ចូលទី ៣គ្រាប់ទល់នឹងក្រុម ​Tottenham ដើម្បីបង្កើនក្តីសង្ឃឹមរបស់ក្រុមក្នុងការបញ្ចប់ក្នុងចំណាត់ថ្នាក់កំពូលទាំង៤ នៅរដូវកាលនេះ។

គ្រូបង្វឹករបស់ក្រុម Manchester United លោក Ralf Rangnick បាននិយាយថា Cristiano Ronaldo អាចជា "ម៉ាស៊ីន" មួយរបស់ក្រុម បន្ទាប់ពីគាត់ស៊ុតបានបីគ្រាប់ទល់នឹង Tottenham កាលពីថ្ងៃសៅរ៍។

កីឡាករ​សញ្ជាតិ​ព័រទុយហ្គាល់​រូប​នេះ ​ជា​ផ្កាយមួយដួង​ ក្នុង​ការ​បង្ហាញ​ខ្លួន​ដែល​ជួយឱ្យបិសាច​ក្រហម ​បាន​យក​ឈ្នះ​ក្នុង​លទ្ធផល ៣-២ ក្នុង​ការ​ប្រកួត Premier League ក្នុងកីឡដ្ឋាន​ Old Trafford។

United បច្ចុប្បន្នកំពុងឈរនៅលេខរៀងទី៥ ក្នុងតារាង ហើយនៅតែស្ថិតក្នុងការប្រជែងដណ្តើមយកចំណាត់ថ្នាក់កំពូលទាំងបួន ក្នុងលីក​។ លើសពីនេះ ​លោក​ Rangnic និយាយថា Ronaldo គឺជាកម្លាំងជំរុញមួយដ៏សំខាន់ នៅក្នុងក្រុម៕ ប្រភព៖ Goal