កីឡាករសញ្ជាតិហូឡង់ Sven Botman បានរងរបួសសរសៃពួរក្នុងការការប្រកួត FA Cup កាលពីថ្ងៃសៅរ៍នៅលើទឹកដីក្រុម Manchester City ហើយត្រូវប្តូរចេញនៅចុងម៉ោង។

សូមរំលឹកឡើងវិញថា​ Botman បានរងរបួសជង្គង់ដំបូងក្នុងខែកញ្ញា ហើយខកខានការប្រកួតចំនួន​ ១៧​ ប្រកួត​ រួមទាំង​ ៥​ប្រកួតចុងក្រោយ នៃការប្រកួត​វគ្គចែកពូល Champions League របស់ Newcastle មុនពេលអាចចូលរួមប្រកួតវិញក្នុងខែធ្នូ។

ដោយពេលនោះ​ Newcastle បាននិយាយថា ក្លឹបបានសម្រេចចិត្តមិនបញ្ជូន Botman ដើម្បីធ្វើការវះកាត់នៅដំណាក់កាលនោះទេ ហើយគាត់ទទួលបានកាយសម្បទាពេញលេញឡើងវិញ តាមរយៈវិធីស្តារនីតិសម្បទា។

Botman បានចាប់ផ្តើមចូលរួមការប្រកួតសំខាន់ៗជាច្រើនរបស់ Newcastle ចាប់តាំងពីការត្រឡប់មកវិញ​ ប៉ុន្តែត្រូវបានដកចេញនៅនាទី៨៣ ការប្រកួត​ FA Cup​ វគ្គ៨ក្រុមចុងក្រោយរបស់ក្លឹប កាលពីចុងសប្តាហ៍ដោយ​ចប់ការប្រកួត​ Newcastle ចាញ់​  Manchester City ២-០ ។

ខ្សែការពារកណ្តាលវ័យ ២៤ ឆ្នាំ​របស់ Newcastle United រូបនេះនឹងត្រូវវះកាត់នៅសប្តាហ៍ក្រោយ៕