Chelsea អាចចុះហត្ថលេខាលើ Milos Kerkez និង​ កីឡាករវ័យក្មេង​ Leny Yoro របស់​ Lille សម្រាប់ជំនួសដំណែង Thiago Silva។

ក្រុមតោខៀវមានបំណងចុះហត្ថលេខាលើខ្សែការពារកណ្តាលថ្មី នៅរដូវក្តៅនេះ នៅពេលដែល Silva ដែលកំពុងឈានចូលវ័យ ៤០ឆ្នាំក្នុងខែកញ្ញា នឹងផុតកុងត្រាជាមួយក្លឹប ហើយអាចចាកចេញដោយមិនគិតថ្លៃ។

Leny Yoro ត្រូវបានគេមើលឃើញថា ជាជម្រើសដ៏ល្អបំផុតមួយ ​សម្រាប់ជំនួសតំណែង Thiago Silva ខណៈដែលកីឡាករប្រេស៊ីលខិតកាន់តែជិតដល់ការចាកចេញពី Stamford Bridge។

Yoro បានរីករាយនឹងរដូវកាលដ៏ត្រចះត្រចង់នៅក្នុងប្រទេសបារាំង ហើយកីឡាករវ័យ ១៨​ឆ្នាំរូបនេះ ក៏កំពុងតែមានការទាក់ទាញចំណាប់អារម្មណ៍ពីក្លឹបធំៗ នៅអឺរ៉ុបផងដែរ រួមមាន Paris Saint-Germain និង Real Madrid៕