ក្រុមភ្ញៀវ​ Wolfsburg បានប្រឈមមុខនឹងការប្រកួតដ៏លំបាកបន្ទាប់ពីពួកគេបានបាត់បង់កីឡាករម្នាក់​ ដោយការបណ្តេញរបស់កីឡាករ Moritz Jenz នៅនាទី ២៨ បន្ទាប់ពីទទួលបានកាតលឿងទីពីរ។

Leverkusen បានបើកការនាំមុខ ៨នាទីក្រោយមក នៅពេលដែលអតីតខ្សែប្រយុទ្ធរបស់ Southampton និង Burnley កីឡាករ Nathan Tella តែតបាល់បញ្ចូលទី។

កីឡាករ​ Florian Wirtz បានទទួលការបញ្ជូនបាល់ពីកីឡាករ Exequiel Palacios ដើម្បីធ្វើឱ្យមានលទ្ធផល ២-០ បួននាទីពីម៉ោងបញ្ចប់។ ជ័យជំនះនេះ​គឺ​ជា​ជ័យជំនះ​ទី៦​ជាប់​ៗ​គ្នា ​សម្រាប់​ក្រុម​របស់​លោក Xabi Alonso។

Leverkusen កំពុងឈរនៅកំពូលតារាងដោយមាន ៦៧ ពិន្ទុ ខណៈដែលក្រុមការពារតំណែងជើងឯក Bayern Munich ឈរនៅលេខ២ មាន ​​៥៧ ពិន្ទុ​ បន្ទាប់ពីក្រុមរបស់លោក Thomas Tuchel បានយកឈ្នះលើក្រុម Mainz 05 ដោយលទ្ធផល​ ៨-១៕