ការប្រកួត​ Premier League ឈានចូលរំលងអាធ្រាត្រថ្ងៃទី២៥ ខែកុម្ភៈ ឆ្នាំ២០២៤ ដែល​ Bournemouth នឹងត្រូវប្រកួតជាមួយ​ Manchester City នៅកីឡដ្ឋាន​ Vitality ។

Manchester City បច្ចុប្បន្ននេះ មិនស្គាល់ចាញ់​ ១៦ប្រកួត ដោយប្រកួតឈ្នះ ១២ប្រកួតក្នុងចំណោម ១៣ប្រកួតចុងក្រោយ នៅទូទាំងការប្រកួតទាំងអស់ ហើយ​ ១​ ប្រកួតផ្សេងទៀតគឺ​ ស្មើ ១-១ ជាមួយ​ Chelsea ក្នុងផ្ទះកាលពីចុងសប្តាហ៍មុន។

City ធ្វើដំណើរទៅកាន់ទឹកដី Vitality​ របស់ Bournemouth ដោយបានប្រកួតឈ្នះក្រៅដី​ ៤​ ប្រកួតចុងក្រោយ​ ហើយរកបាន ១១​ គ្រាប់ពីការប្រកួតទាំងនោះ។ ជំនួបលើកមុនរវាងក្រុមទាំងពីរបានឱ្យឃើញថា City យក​ឈ្នះ Bournemouth ៦-១​ កាល​ពី​ខែ​វិច្ឆិកាឆ្នាំ​មុន។

Bournemouth នៅតែកំពុងបន្តរង់ចាំការឈ្នះ Premier League ដំបូងក្នុងឆ្នាំ២០២៤​ ដោយ​រកបានតែ ៣​ ពិន្ទុប៉ុណ្ណោះឆ្លងកាត់ការលេង​ ៦​ ប្រកួតកន្លងមក។ 

​ប្រកួត​ក្នុងលីគ​ ៣​ ប្រកួតក្នុង​ចំណោម​ ៤​ ប្រកួត​ចុង​ក្រោយ​បញ្ចប់ត្រឹមលទ្ធផលស្មើ។ រីឯទម្រង់លេងក្នុងផ្ទះបានឱ្យឃើញថា Bournemouth ឈ្នះ​ ៣​ ប្រកួតក្នុងចំណោម ១១ ប្រកួត ប៉ុន្តែរកគ្រាប់បាល់បានត្រឹមតែ ១២ គ្រាប់ប៉ុណ្ណោះ។

ការព្យាករណ៍​ :​ Manchester City ទំនង​ជា​នឹង​បង្ហាញ​Bournemouth​ ថាពួកគេគឺជាក្រុមមួយដ៏ខ្លាំងដោយមិនស្គាល់ចាញ់សោះ ១៦ ប្រកួតចុងក្រោយ ហើយឈ្នះប្រកួតនេះ នឹងធ្វើឱ្យពួកគេរក្សាគម្លាតត្រឹមតែ​ ១​ពិន្ទុពីក្រុមឈរកំពូលតារាង Liverpool។ ដូច្នេះជម្រើសចម្បងរបស់យើងនៅក្នុងការប្រកួតនេះគឺ​ Manchester City​ ឈ្នះ៕