ការប្រកួត​ Premier League ថ្ងៃទី១ ខែកុម្ភៈ ឆ្នាំ២០២៤ ដែល​ Tottenham នឹងត្រូវប្រកួតជាមួយ​ Brentford ក្នុងកីឡដ្ឋាន Tottenham​ Hotspur។  

ដោយប្រកួតចាញ់តែ​ ១​ ប្រកួតគត់ក្នុងចំណោម​ ៦​ ប្រកួតចុងក្រោយសរុបនាពេលថ្មីៗនេះ Tottenham មើលទៅនឹងទទួលបាននូវភាពជោគជ័យបន្ថែមទៀត​ក្នុងជំនួបទល់និង Brentford នៅយប់ថ្ងៃពុធនេះ។

កាលពីដើមរដូវកាលនេះ Tottenham ប្រកួតមិនដែលចាញ់ ១០​ ប្រកួត ប៉ុន្តែទោះបីជាពួកគេបន្ទាប់មកមិនបានប្រកួតឈ្នះ​ ៥​ ប្រកួតក៏ដោយ​ ក៏ក្រុមម្ចាស់ផ្ទះនៅរាត្រីថ្ងៃពុធនេះនឹងត្រលប់មករកទម្រង់លេងដ៏ជោគជ័យវិញជាមិនខាន។

ចំណែកឯ​ Brentford ប្រកួតឈ្នះតែ​ ២​ ប្រកួតប៉ុណ្ណោះក្នុងចំណោម​ ៩​ ប្រកួតក្រៅដី ប៉ុន្តែក្នុងនោះពួកគេប្រកួតចាញ់ ៦​ ប្រកួតផងដែរ។

អ្វីដែលសំខាន់គឺលទ្ធផលមិនល្អ សម្រាប់ការលេងក្រៅដីពេលថ្មីៗនេះរបស់ Brentford រួមមានការចាញ់​ ៤​ ប្រកួតចុងក្រោយកន្លងមកផងដែរ។ 

ការព្យាករណ៍​ :​ ទម្រង់លេងក្នុងដីបច្ចុប្បន្នរបស់ Tottenham ទំនងជាខ្លាំងពេកសម្រាប់ក្រុមភ្ញៀវ Brentford ដោយសារតែ Tottenham ប្រកួតឈ្នះក្នុងដី​ ៣​ ប្រកួតចុងក្រោយ​ ប៉ុន្តែ Brentford ប្រកួតចាញ់ក្រៅដី​ ៤​ ប្រកួតចុងក្រោយ។ ដូច្នេះជម្រើសចម្បងរបស់យើងនៅក្នុងការប្រកួតនេះគឺ​ Tottenham​ ឈ្នះ៕