ការប្រកួត​ Premier League ថ្ងៃអាទិត្យ ទី២១​ ខែមករា ឆ្នាំ២០២៤ ដែល​ Bournemouth​ នឹងត្រូវប្រកួតជាមួយ​ Liverpool នៅកីឡដ្ឋាន​ Vitality​ ។ 

Bournemouth បានរកឃើញទម្រង់លេងរបស់ពួកគេ​ ហើយបានក្លាយជាក្រុមមួយក្នុងចំណោមក្រុម ដែលមានទម្រង់លេងក្នុងក្របខ័ណ្ឌ Premier League ក្នុងរយៈពេលប៉ុន្មានខែចុងក្រោយនេះ ដោយបានងើបចេញពីតំបន់កាត់ចោលរហូតដល់បានឡើងមកឈរនៅលេខ១២ ក្នុងតារាង។

Bournemouth មានកំណត់ត្រាដ៏អាក្រក់បំផុតសម្រាប់ជំនួបទល់និង Liverpool ដោយក្នុងជំនួប ២១ ប្រកួតជាមួយក្រុមហង្សក្រហម Bournemouth ឈ្នះតែ ២ ប្រកួតប៉ុណ្ណោះ។

ក្រុមឈរនៅកំពូលតារាង Liverpool នឹងធ្វើដំណើរទៅកាន់កីឡដ្ឋាន​ Vitality​ ដោយគ្មានកីឡាករសំខាន់ៗមួយចំនួន។ ខ្សែការពារទាំងសងខាង​ Trent Alexander-Arnold និង Andy Robertson រងរបួសក៏ដូច Thiago និង Joel Matip ខណៈដែល Wataru Endo និង Mohamed Salah អវត្តមានដោយត្រូវបំពេញកាតព្វកិច្ចតំណាងប្រទេស សម្រាប់ការប្រកួតអន្តរជាតិ។

ដោយ Manchester City ពេលនេះកំពុង​តែដេញតាមពិន្ទុប្រកៀក ដូច្នេះក្រុមភ្ញៀវមិនអាចភ្លាត់ស្នៀត ឬបាត់បង់ពិន្ទុពីការប្រកួតនេះបានទេ។

ការព្យាករណ៍​ :​ Liverpool តែងតែមានប្រៀបជាង Bournemouth បើទោះបីជាពួកគេមានទំនោរក្នុងការរបូតគ្រាប់បាល់ក៏ដោយ ជាពិសេសគឺការលេងក្រៅទឹកដី។ ដូច្នេះជម្រើសចម្បងរបស់យើងនៅក្នុងការប្រកួតនេះគឺ​​ Liverpool​ ឈ្នះ៕