Chelsea សង្ឃឹមថា នឹងអាចចុះហត្ថលេខាលើខ្សែការពារកណ្តាល​ Antonio Silva របស់ Benfica ជាមួយនឹងតម្លៃ ៨៧​លានផោន ដែលជាលក្ខខណ្ឌទិញដាច់របស់ខ្សែការពាររូបនេះ។

កីឡាករវ័យ២០ឆ្នាំគឺជាគោលដៅសម្រាប់​ Chelsea ខណៈដែលក្រុមតោខៀវកំពុងតែស្វែងរកការពង្រឹងជម្រើសខ្សែការពាររបស់ក្លឹបក្នុងខែនេះ។

ការចរចារបានធ្វេីឡើងរួចហើយជាមួយ Benfica ជាមួយនឹងសំណើដំបូងតម្លៃ​ ៥២ លានផោន រួមទាំងផ្តល់ជូនកីឡាករ​ Armando Broja ប៉ុន្តែត្រូវបាន Benfica ច្រានចោល។

Chelsea ត្រូវ​បាន​ជូនដំណឹងវិញ​ថា ​ពួកគេ​ត្រូវ​តែ​ផ្តល់ឱ្យនូវតម្លៃដែលស្មើនឹងលក្ខខណ្ឌ​ទិញដាច់របស់ Silva ដែល​មាន​តម្លៃ ៨៧លាន​ផោន​ ដើម្បី​ចុះហត្ថលេខា​លើ​កីឡាកររូបនេះ៕