Manchester City បានវិលទៅកាន់ទម្រង់លេងក្នុងលីគល្អវិញ ជាមួយនឹងលទ្ធផលដ៏គួរឱ្យភ្ញាក់ផ្អើលប៉ុន្មានប្រកួតចុងក្រោយនេះ ហើយថ្ងៃសៅរ៍នេះក្រុមរបស់លោក Pep Guardiola នឹងត្រូវប្រកួតជាមួយក្រុមឈរបាតតារាង Sheffield United ក្នុងកីឡដ្ឋាន​ Etihad​។ 

Manchester City នឹងមានភាពជឿជាក់យ៉ាងពេញទំហឹង ឈានចូលក្នុងការប្រកួតនៅថ្ងៃសៅរ៍នេះ​ ទល់និង Sheffield United ដែលជាក្រុមមិនមានលទ្ធផលប្រកួតល្អទេកន្លងមករដូវកាលនេះ។ 

City នៅតែមិនស្គាល់ចាញ់នៅក្នុងទឹកដី​ ហើយអ្វីដែលសំខាន់បង្ហាញថា City មិនដែលចាញ់ក្នុងទឹកដីសរុប​ ១៩​ ប្រកួតក្នុងលីគ។

រីឯ​ Sheffield United ប្រកួតឈ្នះតែ​ ២​ ប្រកួតប៉ុណ្ណោះក្នុងលីគ​រហូតមកទល់ពេលនេះ ហើយរកបានតែ​ ២​ ពិន្ទុពីការលេង​ ៩​ ប្រកួតក្រៅទឹកដីកន្លងមក។

លទ្ធផលចាញ់​ ១៤​ ប្រកួតក្នុងចំណោម​ ១៩​ ប្រកួតដែលបានលេងក្នុងរដូវកាលនេះ បានធ្វើឱ្យ Sheffield United ឈរនៅបាតតារាង។

ការព្យាករណ៍​ :​ អ្វីផ្សេងទៀតក្រៅពីជ័យជម្នះសម្រាប់​ Manchester City​ ក្នុងការប្រកួតនេះ ប្រាកដជាធ្វើឱ្យមានការភ្ញាក់ផ្អើលដ៏ធំមួយ ហើយបើសិនជាគិតពីគុណភាពរវាងក្រុមទាំងពីរ និងកំណត់ត្រារៀងៗខ្លួនរបស់ពួកគេទាំងក្នុង និងក្រៅទឹកដី​គឺ​ City​ ឈានមុខ Sheffield United រហូតមក។ ដូច្នេះជម្រើសចម្បងរបស់យើងនៅក្នុងការប្រកួតនេះគឺ​ Manchester City​ ឈ្នះ៕