ព្យាករណ៍គូ Liverpool vs Manchester United ថ្ងៃទី១៧ធ្នូ
Liverpool កំពុងតែបន្តស្វែងរកជ័យជម្នះក្នុងលីគទី៤ ដែលនៅថ្ងៃអាទិត្យនេះ ក្រុមហង្សក្រហមត្រូវជួបជាមួយនឹងគូប្រជែងចាស់ Manchester United ។
Liverpool មានភាពរឹងមាំដោយមានដំណើរប្រកួតមិនដែលចាញ់ ៩ ប្រកួត ក្រុមម្ចាស់ផ្ទះមានទម្រង់លេងល្អ ហើយពួកគេកំពុងឈរនៅកំពូលតារាង ហើយក៏ប្រហែលជានឹងឈ្នះការប្រកួតនេះផងដែរ។
Liverpool ចាញ់តែ ១ ប្រកួតគត់ ក្នុងចំណោមការប្រកួតសរុប ២៧ ប្រកួតចុងក្រោយ ដោយក្នុងនោះពួកគេឈ្នះ ១៨ ប្រកួត។ ក្រុមហង្សក្រហម ក៏មិនស្គាល់ចាញ់សោះ ១៩ ប្រកួតចុងក្រោយក្នុងទឹកដី ដែលរួមបញ្ចូលទាំងការបំបាក់ក្រុមបិសាចក្រហម ៧-០ កាលពីខែមីនាឆ្នាំមុនផងដែរ។
រីឯក្រុមបិសាចក្រហម Manchester United ប្រកួតឈ្នះ ៩ ប្រកួត ប៉ុន្តែចាញ់ ៧ ប្រកួតក្នុងចំណោម ១៦ ប្រកួតក្នុងរដូវកាលនេះ។
United ប្រកួតចាញ់ជាលើកទីពីរក្នុងចំណោម ៣ ប្រកួតកាលពីចុងសប្តាហ៍មុន ហើយនឹងត្រូវប្រឈមមុខនឹងកិច្ចការដ៏លំបាកមួយនៅកីឡដ្ឋាន Anfield ថ្ងៃអាទិត្យនេះ។
ការព្យាករណ៍ : ជំនួបរវាងក្រុមទាំងពីរ ៥ ប្រកួតកន្លងមក Liverpool បានឈ្នះ ៣ ប្រកួត ហើយ Manchester United ឈ្នះ ២ ប្រកួត។ យ៉ាងណាមិញ ៤ ប្រកួតក្នុងចំណោម ៥ ប្រកួតចុងក្រោយបញ្ចប់ដោយមានតែក្រុមម្ខាងស៊ុតបញ្ចូលទីប៉ុណ្ណោះ ហើយនិន្នាការនេះអាចនឹងកើតឡើងដូចគ្នាថ្ងៃអាទិត្យនេះ។ ដូច្នេះជម្រើសចម្បងរបស់យើងនៅក្នុងការប្រកួតនេះគឺ Liverpool ឈ្នះ៕
ព័ត៌មានទាក់ទង
ដំណឹងដ៏រីករាយ! FIFA ទទួលស្គាល់កីឡាករចូលសញ្ជាតិខ្មែរ៣រូបជាផ្លូវការ
នេះជាមូលហេតុ Barcelona ស៊ុតចូលគេ១ឬ២គ្រាប់ហើយនៅតែសម្រុក!
