Real Madrid មានឱកាសបញ្ចប់វគ្គចែកពូល Champions League ជាមួយនឹងកំណត់ត្រាឈ្នះ ១០០% នៅពេលដែលត្រូវធ្វើដំណើរទៅកាន់ Union Berlin ដែលនៅតែសង្ឃឹមថា នឹងមានឱកាសលេង Europa League ។

Union Berlin មាន​ ២​ ពិន្ទុ​តាម​ពី​ក្រោយ​ក្រុម​ឈរលេខ​3 Braga ដែល​ត្រូវប្រកួត​ជាមួយ Napoli ក្នុង​ថ្ងៃ​តែ​មួយ​។ Berlin ត្រូវការឈ្នះ ហើយសង្ឃឹមថា Braga ចាញ់ ដើម្បីមានឱកាសឈរនៅលេខ៣។

Union Berlin ទើបតែបាន​បំបាក់​ Borussia​ Monchengladbach ៣-១ កាល​ពី​ចុង​សប្តាហ៍។ ដែលជ័យជម្នះនោះបានបញ្ឈប់ដំណើរ ១៦​ ប្រកួតមិនដែលឈ្នះរបស់ពួកគេ ដោយស្មើ ៣​ ប្រកួត និងចាញ់​ ១៣​ ប្រកួត។

Real Madrid ក្នុងជំនួបជើងមុនទល់និង​ Union Berlin រកបានតែ​ ១​ គ្រាប់​ជាមួយគ្រាប់បាល់នាទី៩៤ របស់​ Jude Bellingham ដើម្បីឈ្នះ ១-០ ។ 

Real Madrid ឈ្នះ​ ៥​ ប្រកួតចុងក្រោយនៅ​ Champions League ហើយពួកគេក៏បានឈ្នះ​ ១០​ ប្រកួត និងស្មើ​ ១​ ប្រកួតក្នុងចំណោម ១២​ ប្រកួតចុងក្រោយ​នៅ​ Champions League ផងដែរ។ 

ការព្យាករណ៍​ :​ Union Berlin ត្រូវធ្វើការធ្ងន់ណាស់​ ហើយវាពិតជាពិបាកណាស់ ដើម្បីឈ្នះ Real Madrid ដែលជាក្រុមដ៏ខ្លាំងមួយនៅអឺរ៉ុប។​ ដូច្នេះជម្រើសចម្បងរបស់យើងនៅក្នុងការប្រកួតនេះ គឺ​ Real Madrid​ ឈ្នះ​ ដោយក្រុមទាំងពីរស៊ុតបញ្ចូលទីគ្នា៕