អ្នកចាត់ការរបស់ក្លឹប Manchester City លោក Pep Guardiola បាននិយាយថាក្លឹប "មិនដឹង" ថាពេលណាទើប Erling Haaland ជាពីរបួសជើងនោះទេ។

Haaland ត្រូវបានដកចេញពីការប្រកួតក្របខ័ណ្ឌ Premier League នៅក្នុងការប្រកួត​រវាង​ Man City និង Luton កាលពីថ្ងៃអាទិត្យ​ ដោយមានការរាយការណ៍ថា គាត់រងរបួសហើយត្រូវសម្រាកជាច្រើនសប្តាហ៍។

ព័ត៌មាននេះ ត្រូវបានបញ្ជាក់ដោយក្លឹប ហើយមានន័យថា Haaland នឹងខកខានការប្រកួត Champions League ទល់និង Red Star Belgrade នៅថ្ងៃពុធ និង Crystal Palace នៅថ្ងៃទី ១៦ ខែធ្នូ​ ផងដែរ។

និយាយទៅកាន់ BBC បន្ទាប់ពី City ឈ្នះ ២-១ នៅ Kenilworth Road កាលពីថ្ងៃអាទិត្យ លោក Guardiola បានរំលឹកឡើងវិញពីភាពមិនប្រាកដប្រជារបស់គាត់ ប៉ុន្តែគាត់សង្ឃឹមថា Haaland នឹងត្រលប់មកវិញសម្រាប់ការប្រកួត Club World Cup នៅចុងខែនេះ៕