ព្យាករណ៍ Norwich vs Chelsea (EPL)
ក្រោយចាញ់៦លើកជាប់ៗគ្នា Norwich នឹងឈានទៅរកការប្រកួតនេះដោយចាញ់គ្រប់ប្រកួតទាំងអស់របស់ពួកគេកាលពីខែមុន។ ថ្វីត្បិតតែពួកគេមិនសូវចាញ់ពិន្ទុគេប៉ុន្មាននៅបាតតារាង ក៏ប៉ុន្តែក្លិបនេះមើលទៅមានវាសនាធ្លាក់ទៅ Championship ជាថ្មីម្តងទៀតនៅរដូវកាលនេះ។
នៅក្នុងការប្រកួតថ្មីៗបំផុតរបស់ពួកគេ ក្លិបចាប់លឿងបានចាញ់ដោយពិន្ទុ ១-៣ នៅផ្ទះខ្លួនឯងទល់នឹង Brentford នៅក្នុងការប្រកួតដែលបានឃើញកីឡាករ Ivan Toney ស៊ុតបាន ៣ គ្រាប់ (Hat-trick) ដែលធ្វើឱ្យរូបគេក្លាយជាកីឡាករដំបូងគេសម្រាប់ Brentford ដែលស៊ុតបញ្ចូលទីបាន ៣ គ្រាប់នៅលើកំពូលក្នុងរយៈពេល ៨៥ ឆ្នាំ។
លទ្ធផលនេះបានធ្វើឱ្យចាបលឿងចាញ់រហូតដល់ទៅ៤ជាប់ៗគ្នា។ ដោយទើបតែទទួលបាន១ពិន្ទុពីការប្រកួតលីកចំនួន ៥ លើកចុងក្រោយ ឥឡូវនេះពួកគេកំពុងឈរនៅបាតតារាង EPL ដោយមាន ៥ ពិន្ទុតាមពីក្រោយក្រុមលេខ ១៧ Everton ។
Chelsea បានជ្រុះពិន្ទុយ៉ាងច្រើនក្នុងខែធ្នូនិងខែមករា។ ទោះយ៉ាងណាក៏ដោយ ក្លិបលែងឱ្យភ្លាត់ស្នៀតទៀតហើយចាប់តាំងពីពេលនោះមក លើកលែងតែការចាញ់របស់ពួកគេក្នុងវគ្គផ្តាច់ព្រ័ត្រ League Cup ។
និយាយរួមទៅ ពួកគេបានប្រកួតតែម្តងគត់នៅ EPL ក្នុងខែកុម្ភៈ ដោយសារតែការចូលរួមរបស់ពួកគេក្នុងការប្រកួតផ្សេងៗ ហើយដោយសារពួកគេចេញខ្ទាតចេញពីការដណ្តើមពាន គេរំពឹងថាពួកគេនឹងព្យាយាមឈានទៅវគ្គជ្រៅៗនៅក្នុងការប្រកួតក្របខ័ណ្ឌផ្សេង។
បន្ទាប់ពីចាញ់នៅ Wembley និងការទទួលជ័យជម្នះដ៏ប្រផុតប្រផើយក្នុង FA Cup ទល់នឹង Luton ក្លិបតោខៀវបានត្រឡប់មករកភាពខ្លាំងរបស់ខ្លួនវិញជាមួយនឹងការបំបាក់ក្រុម Burnley ០-៤ នៅក្រៅផ្ទះ។ លទ្ធផលនេះមានន័យថា ក្លិបបានឈ្នះការប្រកួតលីក៣ លើកជាប់ៗគ្នា។
ដោយមាន ១០ ពិន្ទុពីការប្រកួតលីកចំនួន ៥ លើកចុងក្រោយ តោខៀវបច្ចុប្បន្នកំពុងឈរនៅចំណាត់ថ្នាក់លេខ ៣ ក្នុងលីក ដោយមាន ១៦ ពិន្ទុតាមពីក្រោយក្រុមមេឃខៀវ Man City។
ដោយហេតុថា Chelsea មិនដែលចាញ់ Norwich តាំងពីឆ្នាំ ១៩៩៤ គួបផ្សំនឹងទម្រង់លេងខុសគ្នាឆ្ងាយរបស់ក្រុមទាំងពីរ យើងរំពឹង Chelsea ឈ្នះយ៉ាងតិច ៥-១៕
ព័ត៌មានទាក់ទង
Real Madrid កំពុងកំណត់គោលដៅខ្សែការពារកណ្តាលរបស់បារាំង កីឡាករ William Saliba
ព្យាករណ៍គូ Manchester United vs Fulham
