បន្ទាប់ពីក្រុមបិសាចក្រហម​ Manchester United បំបាក់​ Chelsea ២-១​ ក្នុងទឹកដី​កាលពីពាក់កណ្តាលសប្តាហ៍ នៅថ្ងៃសៅរ៍នេះ​ United នឹងត្រូវបន្តធ្វើជាម្ចាស់ផ្ទះម្តងទៀត​ ដើម្បីប្រកួតជាមួយនិង Bournemouth​ ។ 

ថ្វីត្បិតតែមានការបរាជ័យមួយ​ ឬពីរ ក្នុងចំណោម​ ៨​ ប្រកួតចុងក្រោយ​ក្នុងលីគ ក៏កីឡាកររបស់លោក Erik ten Hag​ ឈ្នះ ៦​ ប្រកួត ក្នុងរយៈពេលនេះផងដែរ។

United ឈ្នះសរុប​ ៩​ ប្រកួតរហូតមកទល់ពេលនេះ ក្នុងរដូវកាលនេះ​ ដែលនឹងធ្វើឱ្យពួកគេមានទំនុកចិត្តឈ្នះខ្ពស់ សម្រាប់ជំនួបជាមួយនិង​ Bournemouth នៅថ្ងៃសៅរ៍នេះ។

រីឯ​ Bournemouth ទើបតែឈ្នះជាលើកទី៤​ ក្នុងចំណោម​ ៦​ ប្រកួត​ នៅពេលដែលពួកគេដណ្តើមបាន ៣​ ពិន្ទុ​ពី Crystal Palace កាលពីពាក់កណ្តាលសប្តាហ៍។

ក្រុមរបស់លោក Andoni Iraloa បានបង្កើតការឆ្លើយតបជាវិជ្ជមានជាមួយនឹងលទ្ធផលប្រកួតថ្មីៗនេះ ខណៈដែលគ្រាប់បាល់ច្រើនអាចនឹងកើតឡើងក្នុងប្រកួតនេះផងដែរ​ ដោយ​ ៦​ ប្រកួតក្នុងចំណោម​ ១០​ ប្រកួតចុងក្រោយក្រៅទឹកដីរបស់ Bournemouth លទ្ធផលបញ្ចប់ដោយគ្រាប់បាល់ច្រើនជាង ២.៥​ គ្រាប់។

ការព្យាករណ៍​ :​ Manchester United ចាញ់តែ​ ៣​ ប្រកួតប៉ុណ្ណោះក្នុងចំណោម ២៦ ប្រកួតកន្លងមកក្នុងលីគនៅ Old Trafford​ ។ ជាមួយនឹងជ័យជម្នះត្រឹមតែ​ ២​ ប្រកួតក្នុងចំណោម​ ៩​ ប្រកួតចុងក្រោយក្រៅទឹកដី Bournemouth ហាក់ដូចជាត្រូវបាត់បង់ឱកាស ដើម្បីស្វែងរកពិន្ទុនៅ Old Trafford ។ ដូច្នេះជម្រើសចម្បងរបស់យើង នៅក្នុងការប្រកួតនេះគឺ​ Manchester United​ ឈ្នះ​ ដោយគ្រាប់បាល់​ Over ២.៥​ គ្រាប់៕