យប់ថ្ងៃអង្គារ​ វេលាម៉ោង​ ៣:១៥នាទី​រំលងអធ្រាត​ សម្រាប់ការប្រកួត​ក្របខ័ណ្ឌ Premier League​ ជើងទី១៥​ ដែល Luton Town នឹងបើកទ្វារកីឡដ្ឋានស្វាគមន៍ក្រុមភ្ញៀវ​ Arsenal​ ។ 

Luton Town ប្រកួតចាញ់​ ៩​ ប្រកួតចំណោម​ ១៤​ ប្រកួតក្នុងលីគ​ ដែលបង្ហាញថាពួកគេពិតជាពិបាកហើយនៅយប់ថ្ងៃអង្គារនេះ។ 

លើសពីនេះ Luton ឈ្នះតែ​ ១​ ប្រកួតគត់នៅក្នុងទឹកដីកីឡដ្ឋាន​ Kenilworth Road រហូតមកទល់ពេលនេះ​ ហើយនេះមិនមែនជារឿងល្អសម្រាប់ការមកលេងរបស់ Arsenal ឡើយ។ 

រីឯ Arsenal បច្ចុប្បន្នកំពុងតែមានទម្រង់លេងដ៏គួរឱ្យចាប់អារម្មណ៍ ខណៈដែលក្រុមរបស់លោក Mikel Arteta ប្រកួតឈ្នះ​ ៥​ ប្រកួតចុងក្រោយជាប់ៗគ្នានៅទូទាំងការប្រកួតទាំងអស់។ 

ហេីយក្រុមកាំភ្លើងធំ​ប្រកួតចាញ់តែ​ ១​ ប្រកួតប៉ុណ្ណោះរហូតមកទល់ពេលនេះ​ ខណៈដែលឈ្នះមិនតិចជាង​ ១០​ ប្រកួតពីការលេង​ ១៤​ ប្រកួតក្នុងលីគកន្លងមក។

ការព្យាករណ៍​ :​ វាពិតជាលំបាក និងខកចិត្តក្នុងការវិលត្រឡប់មកកាន់ក្របខ័ណ្ឌកំពូលរបស់អង់គ្លេស សម្រាប់ Luton Town ហើយក្រុមកាំភ្លើងធំនឹងសម្លឹងរក ៣ ពិន្ទុផ្សេងទៀតពី Luton Town នៅយប់ថ្ងៃអង្គារនេះ។ ដូច្នេះជម្រើសចម្បងរបស់យើងនៅក្នុងការប្រកួតនេះគឺ​ Arsenal​៕