វាបានកើតឡើងត្រឹមតែរយៈពេលពីរនាទីប៉ុណ្ណោះក្នុងការប្រកួត នៅពេលដែលអតីតកីឡាកររបស់ Liverpool កីឡាករ Sadio Mane បានបញ្ជូនបាល់ចូលក្នុងប្រអប់ទីទៅឱ្យ​ Ronaldo ។​ 

Ronaldo ព្យាយាម​រកឱកាសស៊ុតជាលើក​ដំបូង ប៉ុន្តែ​ពេល​នោះត្រូវ​បាន​រារាំង គាត់​ក៏​ស្ទុះទៅរកបាល់ម្ដង​ទៀត ខណៈ​ពេលនោះក៏មានការប៉ះទង្គិចគ្នាជាមួយគូប្រកួតធ្វើឱ្យគាត់ដួលក្នុង​ប្រអប់ទី។

ភ្លាមនោះ អាជ្ញាកណ្តាលបានចង្អុលយ៉ាងលឿនទៅចំណុចពិន័យបាល់ប៉េណាល់ទីរបស់ក្រុម Persepolis​ ។

Replays បានបង្ហាញថា មិនមានការប៉ះទង្គិចណាមួយលើ Ronaldoហើយជាកិត្តិយសរបស់តារាព័រទុយហ្គាល់ ដែលភ្លាមៗនោះ គាត់បានងើបឡើងយ៉ាងឆាប់រហ័ស ហើយគ្រវីម្រាមដៃរបស់គាត់ ដើម្បីប្រាប់ទៅកាន់អាជ្ញាកណ្តាលឱ្យកែតម្រូវការសម្រេចចិត្តរបស់គាត់ម្តងទៀត​ ខណៈដែលការប្រកួតបញ្ចប់ដោយ​ Al-Nassr​ ០-០​ Persepolis​៕