Nicholas Jackon ស៊ុតបាន hat-trick សម្រាប់ក្រុមតោខៀវ​ Chelsea នៅរាត្រីដ៏ច្របូកច្របល់មួយ​ ដែលក្នុងការប្រកួតនោះកីឡាកររបស់ Spurs ពីររូប Cristian Romero និង Destiny Udogie ទទួលបានកាតក្រហម។

គ្រាប់​បាល់​ ៥​ គ្រាប់ដែល​មិន​ត្រូវបានអនុញ្ញាត​​ កាត​ក្រហម​២​ និង​ការ​ពិន័យ​បាល់ប៉េណាល់ទី​ ១​ គ្រាប់​ ​បាន​បូក​បញ្ចូល​ក្នុង​យប់​ដែល​កីឡាករ Tottenham ប្រាំបួន​នាក់​ស្គាល់​បរាជ័យ​ជា​លើក​ដំបូង​ក្នុង​រដូវ​កាល​ថ្មីនេះ​ ក្នុងការប្រកួ​តទល់នឹង​អតីត​គ្រូ​បង្វឹកលោក​ Mauricio Pochettino ដែលជា​ការ​វិល​ត្រឡប់​មក​កាន់ Spurs ជា​លើក​ដំបូង​ចាប់​តាំង​ពី​ការ​ចាកចេញ​ក្នុងឆ្នាំ២០១៩។

Dejan Kulusevski ស៊ុតបញ្ចូលទីនាំមុខសម្រាប់​ Spurs មុនពេល Cristian Romero ទទួលបានកាតក្រហម និងការស៊ុតបាល់ពិន័យប៉េណាល់ទី​ដោយ Cole Palmer របស់​ Chelsea បានបង្វែរការប្រកួតទាំងស្រុង។

Destiny Udogie បង្កើតកំហុសរួចក៏ទទួលបានកាតក្រហមនៅក្នុងតង់ទី២ ធ្វើឱ្យ​ Spurs នៅសល់កីឡាករ​ប្រាំបួននាក់ ដោយបង្កើតឱកាសឱ្យ​ Jackon បង្វែរការប្រកួត និងស៊ុតបញ្ចូលទី​ hat-trick នៅចុងម៉ោងយកបីពិន្ទុសម្រាប់ Chelsea៕