ជំនួប Manchester ដំបូងក្នុងរដូវកាលថ្មីនេះ​ នឹងធ្វើឡើងក្នុងកីឡដ្ឋាន Old Trafford នៅថ្ងៃអាទិត្យ​ ដែលត្រូវបានគេរំពឹងថា នឹងក្លាយជាបរិយាកាសមួយ ដើម្បីជាការរំលឹកដល់វីរបុរសរបស់​ អង់គ្លេស​ និង​ ក្លឹបបិសាចក្រហម ចំពោះការទទួលមរណៈភាពថ្មីៗនេះ របស់ Sir.​ Bobby Charlton​។

បិសាចក្រហម​ Manchester United បានប្រកួតឈ្នះ​ ៥​ ប្រកួត ប៉ុន្តែពួកគេក៏បានចាញ់​ ៤​ប្រកួតផងដែរ ខណៈពេលដែលមិនមានប្រកួតស្មើទេគិតនៅក្នុងរដូវកាលនេះ។

ដែលជ័យជម្នះ​ ៥​ ប្រកួតសុទ្ធសឹងតែជាជំនួបជាមួយក្រុមដែលឈរនៅក្រោមពាក់កណ្តាលតារាង ដែលបានជួយឱ្យ United អាចឡើងទៅឈរនៅលេខ​ ៨​ ក្នុងតារាង។

Manchester City ធ្លាប់បានឡើងឈរនៅកំពូល​តារាង ដោយក្រុមម្ចាស់ជើងឯកឈ្នះ ៦​ប្រកួតជាប់ៗគ្នាដំបូងក្នុងលីគ ប៉ុន្តែថ្មីៗនេះការប្រកួតចាញ់ Wolves និង Arsenal នៅក្រៅទឹកដី​បានបង្អាក់ដំណើររបស់ City ។ 

៥​ ប្រកួតក្នុងចំណោម​ ៩​ ប្រកួតលីគរបស់ Manchester City មកទល់នឹងបច្ចុប្បន្នបញ្ចប់ដោយលទ្ធផលក្រុមទាំងពីរស៊ុតបញ្ចូលទីគ្នា ខណៈដែល ៦ ប្រកួតក្នុងចំណោម​ ១០​ ប្រកួតក្រៅទឹកដីចុងក្រោយក៏ឃើញថា បញ្ចប់ដោយលទ្ធផលក្រុមទាំងពីរស៊ុតបញ្ចូលទីគ្នាផងដែរ។ 

ការព្យាករណ៍​ :​ ប្រកួតកន្លងមករវាងក្លឹប Manchester ទាំងពីរនេះ​ ៤​ ប្រកួតចុងក្រោយ​បានឱ្យឃើញថា មានគ្រាប់បាល់ស៊ុតបញ្ចូលទីសរុបចំនួន​ ២០​ គ្រាប់ ដែលជាការស៊ុតបញ្ចូលទីរវាងក្រុមទាំងពីរ។

ដូច្នេះជម្រើសចម្បងរបស់យើងនៅក្នុងការប្រកួតនេះ គឺ​ Manchester City​ ដោយក្រុមទាំងពីរស៊ុតបញ្ចូលទីគ្នា៕