Manchester City និង Brighton នឹងត្រូវប្រឈមមុខដាក់គ្នានៅកីឡដ្ឋាន Etihad ថ្ងៃសៅរ៍​នេះ​ ដោយភាគីទាំងសងខាងកំពុងស្វែងរកជ័យជម្នះឡើងវិញដូចគ្នា បន្ទាប់ពីចាញ់​ ២​ ប្រកួតចុងក្រោយដូចគ្នា។

ក្រុមរបស់លោក Pep Guardiola រដូវកាលនេះ​ ប្រមូលបានជ័យជម្នះ​សរុប ៦​ ប្រកួត​ រួមជាមួយនឹងការស៊ុតបញ្ចូលទីសរុប ១៦ គ្រាប់ និងរក្សាបាន Clean Sheet (មិនមានរបូតគ្រាប់បាល់)​ ៣​ ប្រកួត​ចំណោម​ ៦​ ប្រកួតនោះ។ 

យ៉ាងណាមិញ Man City ប្រកួតចាញ់ជាប់ៗគ្នា​ ២​ ប្រកួត​ជមុនពេលការសម្រាកអន្តរជាតិដោយចាញ់ Wolves និង Arsenal ។​ ប៉ុន្តែ​ការឈ្នះនៅទឹកដី Etihad ១៣​ ប្រកួតចុងក្រោយ វានឹងពិបាកក្នុងការជជែកតវ៉ា​ថាការប្រកួតនេះមិនមែនជាជ័យជម្នះរបស់ City ។

លទ្ធផលចាញ់ ៦-១​ ដ៏ធ្ងន់ធ្ងររបស់​​ Brighton ដែលកើតឡើងនៅកីឡដ្ឋាន Villa Park ដោយចាញ់​ Aston Villa នឹងក្លាយជាបញ្ហាចម្បងមួយ នៃការធ្លាក់ចុះបន្តិចសម្រាប់ពួកគេក្នុងតារាង។​ យ៉ាងណាមិញ Brighton ឈ្នះ​ ៥​ ប្រកួតរួច​មក​ហើយ​ក្នុង​ចំណោម​ការ​ប្រកួត​បើក​ឆាក​ ៨​ ប្រកួត​រដូវ​កាល​ថ្មីនេះ។​ 

ប៉ុន្តែអ្វីដែលជា​ការ​ព្រួយ​បារម្ភ​នោះគឺ​ មិន​មាន​ Clean Sheet ហើយគិតមកទល់ពេលនេះ​ ១២​ ប្រកួតក្នុងលីគ​ Brighton រក្សាបានតែ​ ១ Clean Sheet​ ប៉ុណ្ណោះ។ 

ការព្យាករណ៍​ :​ Manchester City ប្រាកដជាសម្លឹង​រក​គ្រាប់​បាល់​ស៊ុតបញ្ចូល​ទី នឹងការរក្សា​ Clean Sheet ដោយហេតុថា​ City ប្រកួតឈ្នះ​ព្រមជាមួយនឹង​ Clean Sheet ៦​ ប្រកួតក្នុង​ចំណោម ១៣​ ប្រកួតក្នុងទឹកដីចុង​ក្រោយ​។ ដូច្នេះជម្រើសចម្បងរបស់យើងនៅក្នុងការប្រកួតនេះគឺ​ Manchester City​ ឈ្នះ​ ដោយមិនមានរបូតគ្រាប់បាល់៕